Op de wyse: Gheeft my te drincken nae mynen dorst. GHy vrienden die hier zijt versaemt, Vaet doch dees wonderlijcke dinghen, Van den Soon Gods seer hoogh vermaent, Phil.2,8.Om ons die salicheyt te bringhen, Verneerde hy hem sonderlinghen, Dat hy ons soud' brenghen te recht, Hy was een Heer, hoort nae mijn singhen, Om onsent wil wordt hy een knecht.
Ruste boven in grooter macht,Psal.8,7. Maer hy nam aen hem swacke leden,Esa.53,6. Hy was seer rijck in hoogher acht,2.Cor.8,9. Maer hy wierdt arm in al sijn zeden De schoonste // hoort doch nu mijn reden,Psal 45,3. Was hy, maer worde seer mismaeckt,Esa.53,4. Ons ziel te trouwen hier beneden, Quam hy, wy waren bloot en naeckt. Int Doopsel dit huwelijck gheschiet2.Cor.11,4. Als wy vastlijck in hem ghelooven, En alst ons mach mislucken yet, Waerschuwt hy ons noch daer en boven, Door die Schriftuyre hoogh om loven,Tit.2,1. Tot wederkeer hy ons vermaent,Cant.6,13. Als wy dolen van hem verschoven, Leydt hy ons op den wegh ghebaent. En hy gheeft ons eenen halsbant, 'Tis een reyn consciency pure,1.Thes.4,3. En eenen trouw-rinck aen de handt,Luc.15,22. Ghenaed' sijns Gheests nae de Schriftuyre,Esa.61,10. Den hoofde gheeft hy tot favuere, Die Croon, dat heerlijcke cieraet, Dat Godt-salicheyt staet in fluere, By ons, hoe dat het met ons gaet. 'Tverciersel om het gantsche lijf Gheeft hy ons oock tot onser baten,Psal.84,8. 'Tis dat wy deuchd'lijck even stijfGal.3,8. Altijt voortgaen in deucht (wilt vaten) Soo wy de zonde hier verlaten, Bekennen, en doen ware boet, O Ziel bereydt u doch der maten, Trout desen Bruydegom met spoet. Ghy vrienden wilt bereyden doch, Die slaep-camer int herte binnen, Suyvert de consiency noch, Gods ingheven houdt in u zinnen,Act.17,25.
Voeght u tot hem, wilt hem beminnen, Deur ghedachten begint nu sterck, Den goeden wil maeckt het beginnen Vast, en de daet volvoert het werck. Matth.22,36.EN yvert in sijn liefde fijn, 'Tis 'tgheen' dat hem meest doet behaghen, 1.Ioan.4,10.Hy sal oock u liefhebber zijn Alle den tijdt van uwen daghen: Maer ghy moet neerstich sorghe draghen, Dat ghy int gheloof trouwe houdt, Al leyt de weerelt vele laghen 1.Cor.5,7.Dat ghy met haer vermenghen soudt. Proeft oft binnen int herte vroet Gheen ander liefd' en wort bevonden Dan nu alleen Gods liefde soet, En oft hy oock tot ghenen stonden En wordt bevleckt hier door de zonden, Rom.12,1.En 'tlichaem alle tijdt begheeft Daer toe ghy met hem zijt verbonden, En of ghy soo ghetroulijck leeft. Int ghen' dat hy u heeft betraut, Troulijck uytdeelt nae sijn behaghen, Daer in wilt wesen sonder faut: Ghy moet oock neerstich sorghe draghen, 1.Cor.10,31.Dat sijn eer al u leve daghen Van u ghevordert word' altijdt, Houdt ghy soo trou (hoort mijn ghewaghen) Ghy sult worden ghebenedijdt. Ioan.16,21.En ist dat ghy met pynen baert Den wille Gods, en comt int lyden, 2.Petr.1,5.Brenght deuchden voort na Godt gheaert, Die hem ghelijcken in dees tyden, Naer de droefheyt sult ghy verblyden, Int baren heeft men grooten noot, Alst kint hier is, gaetse bezyden, En dan comt weer de vreuchde groot.
TER eeren zijn sult ghy sijn Bruyt Vastlijck nu, eeuwich onghescheyden,Iere.17,13. Om doodt om leven watter spruyt:Rom.8,36. Die haren tijdt nu dus verbeyden Die sal hy met der handt dan leyden Tot boven in des Hemels Throon, O ziele wilt u doch bereyden, Trout desen Bruydegom seer schoon. Soo ghy sijn stemme hebt ghehoort, Staet op en doet die deure open, Ontfanght hem in u armen voort, Vernedert wilt nu tot hem loopen, Soo meucht ghy op sijn goeden hoopen Die hy syner Bruyt gheven sal, Namaels can men gheen oly coopenMat.25,10. Om in te gaen by 'tlief ghetal. Ghy Medenblickers allegaer Ick laet u hier met vriend'lijck groeten, Neemt doch deses Bruydegoms waer, Alsoo hy comt, wilt hem ontmoeten, Tsal u verquicken en versoeten, Hy brenght u in d'eeuwighe rust, Voor al 'sweerelts pynelijck wroeten, Hebt hier in altijdt uwen lust.
Cookies on Poetry Cove