Op de wyse: O Heer hoe zijnse soo menichfout. TOont ons lief Heer deur u ghenae,2.Cor.1,3. Vwen troost altijt vroech en spae, Int hert ontfinckt, Door u goetheyt gepresen, Hier men ons ten besten bedinckt. NIet int tijtlijck dat doch vergaet,2.Pet.4,10. En sy onsen troost vroech noch laet, Ten duyrt doch niet, Want al wellust bedreven, Is recht oft en waert niet gheschiet. Sonder u en mach zijn ghetroostPsal.71,20. Ons ziele hier int swaer propoost, Volcomen soet, Dan in u Godt alleyne, Ghy tosster aller armen goet. Pleecht ghy niet onsen Godt te zijn, Die de ootmoedighe seer fijn,Psal.34,19. Geerne aen naemt, Daer op willen wy hopen Verbeyden soo't ons wel betaemt. In u willen betrouwen vast,matt.11,28. Ons zielen, tot ghy die ontlast, Een cleyne tijdt, O ziele wilt vertoeven, God comt met troost die ons verblijt. En stelt geen hope onghewis,Psalm.9,6.
Op't sichtbaer dat vergancklijck is, Ghy soudt onweert, het hemelsche verliesen Soo ghy 'taerdtsche te veel begeert. TEn is niet om het tijdtlijck vry, Dat de mensche gheschapen zy Salich voorwaer, En wort men niet deur desen, Noch heylich dat is openbaer. Matth.7,7.Recht in u lief Heere bestaet, Onse salicheyt metter daet, Daer op verwacht, O ziele met verlangen, En begeeren dach ende nacht. Seer cort is den troost int ghemeyn, Den dees weerelt ontfanckt en cleyn, Maer dien ghy geeft Is salich en waerachtich Hy mach verheughen die hem heeft EN daerom gheeft ons lieve Vaer, Dat wy Iesum Christum voorwaer, V lieve kint, Mogen steedts met ons dragen Apoc.2,25.En by ons houden wel ghesint. ANders hier en doen geen belijt, Luce,24,28Dan segghen: Heer wilt alle tijt, Ons blyven by, Der menschen troost ontberen, Willen wy soo met moede bly. Eccles.17,1.KEnt ons u handtwerck siet het aen, En wilt onser doch gade slaen, Nu wel gemoet, Geeft ons troost te volherden, Lijdtsaemheyt in den tegenspoet. Apoc.21,1.SIIN wy nu op den rechten padt, Die ons voert nae des Hemels stadt, So leyt ons voort, Dat wy mogen geraken Daer men d'eeuwighe vreucht orboort. Philip.1,6.Wy willen vast betrouwen gaen, Soo ghy ons hebt ghenomen aen, Dat ghy oock sult, Ons helpen totten eynde En vergheven al onse schult. Fijn en ghetroost met moede vroom,
Willen wy nu int ouderdomPsalm.31,6. Ons ziel en lijf, In uwe handt bevelen, Ons leven en al ons bedrijf.
Cookies on Poetry Cove