Op de wyse van den 5. Psalm: Verhoort o Godt mijn woorden clachtich. Seven seer noodighe saken Om 'tbetrouwen vast te maken.
FAlieert u wijsheyt, wilt Godt bedenIaco.1,5. Om te hebben 'tbetrouwen goet, Nu in den Heere, daer toe moet
Men hier bevinden sonderlinghen Al dese dinghen. Een conscientie sterck machtich Die u selven niet en verdoemt, Als ghy in sijn aenschouwen coemt, Wie boos doet, die is (zijt ghedachtich) Sap.7.Dan seer vreesachtich. Yeghelijck die soeckt goet betrouwen 1.Ioan.3,21.In Godt, om den loon te ontfaen, Moet met arbeyt te wercken gaen, Act.2,38.Boete te doen, voor Gods aenschouwen, Sijn zond' berouwen. Sult ghy tot Godes huys beraden, Luc.12,9.Hope hebben om rusten daer, Soo moet ghy hier sijn arme schaer Opnemen, spijsen en versaden, Luc.6,38.Met u goetdaden. Int ghemoet een vriendelijck wesen, Goets betrout men hier van den vrint, Waer men nu Gods liefde bevint, Dat is betrouwen vast nae desen, In Godt gheresen. Even alsoo betrouwen deden Martha ende oock Maria, Segghende (lieve Heer) siet da, Dien ghy lief hebt leyt hier beneden, Ioan.11,2.Met krancke leden. ALsoo is boven dit noch noedich, Te bewysen vreesende eer, Nu teghens onsen Godt en Heer, Daer in bestaet nu overvloedich 'Tbetrouwen goedich. BEReyt u hert vast in Gods leere, Dat u 'tbetrouwen maken sal, Prov.14,26Wie Christum belijdt hier int dal, Prov.22.19Dennen sal hy belyden seere,
Naemaels met eere. Ten laetsten moet men sterck volherden, Blijft in hem, soo Ioannes seyt, Dat ghy meucht hebben sekerheyt In hem, als hy 1.Ioan.2,14 comt te aenveerden, Sijn Rijc van weerden. Seer beminde, sonder verschoonen, Schickt u hier nae van uwer jeucht, Dat ghy 'tbetrouwen hebben meucht, Als Godt hem heerlijck sal vertoonen De sijn te croonen.4.Esd.2,40
Cookies on Poetry Cove