Op de wyse van den lustelijcken Mey. GHelooft zijt ghy, O Godt mijn Heer, Die my gaeft int vercloecken Een nieu ghemoedt tot uwer eer, D'eeuwich leven teMat.19,39. soecken: Sterckt my daer in dach ende nacht Tot dat mijn reyse zy volbracht, En ick naer mijn verlanghen V Rijcke mach ontfangen. WILLen dat vind' ick by my wel,Rom.7,18. Maer Heer gheeft my 'tvolbringhen: Dat ick voorsichtich ende snel Door d'enghe poort mach dringhen: O Heere houdt my op den padt
Tot dat ic come in die Stadt Daer in kinder ghepresen Dan sullen vrolijck wesen. Ioan.16,20.IAE Mijn droefheyt in blyschap keert matt.19,30.Ghy weet ick hebb' verlaten Vader en Moeder lief en weert, Om uwent wil der maten Broeders en susters ick verliet, Dit is gantschelijck daerom gheschiet Dat ick toen tot dier stonden Mocht weerdich zijn bevonden. matt.25,34.DE STem te hooren, als ghy sult Roepen u uytvercoren, Die ghy met uwen troost vervult Int eeuwich Rijck, te vooren Langhen tijdt voor haer bereyt, En duyrt tot in der eeuwicheyt D'welck sy aldaer beerven. Bevrijdt van het verderven. Psal.18,7.OPent u oor, hoort mijn ghebet, En wilt my wijsheyt gheven, Dat ick nu voortaen onbesmet En gantsch heylich mach leven, Iob 7,1.En soo verslyten mynen tijdt In desen mynes levens strijdt Nu voortaen al mijn daghen Nae u Godtlijck behaghen. Ephes.4,1.Perfectelijck maeckt my bequaem Mijn beroep te betrachten, Als u dat is (Heer) aenghenaem Wt alle mynen crachten, Dat ick mijn jonghe fortuyn teer Mach opbrenghen na u begheer Tot lof van uwer eeren, Lief Heer dats mijn begheeren. LAEtse u doch bevolen zijn, Gunst bewijst haer van boven, Soo sal ick u dan dancken fijn, Hoogh prysen ende loven, Als ghy dees mijn claegh-reden hoort, En helpt ons tot den eynde voort, Ick sal ghebenedyden V Heere t'allen tyden.
Ras spoet u nu mijn ziel terstondt,Psa.104,1. En wilt soo met beweghen All' Gods goetdaden maken condt Om sijn genae ghepresen: Hy is een Godt vriend'lijck en goet, Die veel goetdaden aen u doet, Gheeft hem de eer te samen Iae lieve Heere, Amen.
Cookies on Poetry Cove