Op de wyse van de neghen Soldaten, te Randenrayd ghevanghen. LIjdtsamich wilt doch wesen, Collos.2,12Op 'sHeeren toecomste snel, Bewijst u doch in desen, Als een kindt nieuw verresen, Besteedt u tijdt doch wel. 2.Petr.3,11.Staet naer 'tGodtsalich leven
D'welck onsen Godt behaeght, Met vresen en met beven, En soeckt nietBaru.3,33. daer beneven, Maer u vromelijck draeght. KENt dat goet is de Heere,2.Par.7,5. Die u vriend'lijck nam aen, Voor een kindtLuc.15,26. hem tot eere, Door sijn heylsame leere, Heeft hy dees daet ghedaen. Synen Gheeste seer goedich, Moet zijn u onderpandt, En leeren overvloedich,Ephes.1,14. Hoe dat ghy nu behoedich,Ioan.16,13 Sult woonen in het Landt. Tot ghener tijdt bedroeven,Ephes.4,30. Ghy desen gheest en moet, Met daet, maer 'tsal behoeven, Gods wil daer med' te proeven,Rom.12,2. Hem te volbrenghen soet. RAs als ghy zijt beladen Met commer, angst en vaer, Dat ghy treedt wel beraden Tot den stoel der ghenaden,Rom.3,35. Om te aenbeden daer.Ioan.4,23. Te dancken en te prysen4.Esd.2,37. Den Heer om sijn goetheyt, V eerlijck te1.Thes.4,12 bewysen, Int ghemoet hoogh oprysen Door desen Gheest bereyt. Met aendacht te belyden,1.Ioan.1,8. De zonden en misdaet, En bidden t'allen tyden: Heer, wilt my doch bevryden, Verlossen van het quaet.Mat.6,13. Als ghy alsoo u daghen, Doorbrenght, leeft nae den GheestGal.5,25. Soo sult ghy Godt behaghen, Een CroonSap.4,2. der eeren draghen, Int Hemelsche Foreest. Niet anders wilt beminnen, Mijn lieve kindt ter tijt, Dan dat ghy naer't beginnen, Den schoonen prijs meucht winnen1.Cor.9,23. Van Godt ghebenedijdt.Phil.3,15. Stadich weest mijns ghedachtich,
In u vyerich ghebedt, Bidt voor my Godt almachtich, Dat ick mach zijn deelachtich, 4.Esdr.2,37.Als men Croonen opset.
Cookies on Poetry Cove