Op de wyse: Den Mey, den Mey, Coel is den Mey, etc. GHy Munckendamsche jeuchde soet, Ick wensche u met namen, Voor een seer vriendelijcke groet, Ephes.6,24Gods ghenade te samen. Phil.1,2.Dat die u soo beweghen mach, En u ghemoet verlichten, Op dat ghy u nu nacht en dach, Naer Gods wille meucht richten. 1.Petr.2,15En datse u soo machtich maeckt, 1.Thes.5,18In 'tghemoet u verstercke, Tot dat ghy u gheheel versaeckt, Naer Gods wil treckt te wercke. matt.16,24.En daer deur ghelijckformich wordt, Matt.20,1.Gods beelt heel nieu verresen, Col.3,10.Baert nieuwe creatuyren voort, Psal.119,41Een soet Christelijck wesen. En dat die ghenaed' u ghemoet, Mach in den Hemel bringhen, 'tHemelsche te betrachten vroet, Col.3,2.Voor al dees aerdtsche dinghen. Phil.1,11.Vruchbaer wil sy u maken mee, Coll.1,10.Tot allen goeden wercken, Phil.4,23.Waer dat ghy zijt in elcke stee, 1.The.5,28.Moet Gods ghenaed' u stercken. ps.23,6,27.V hert soo maken claer en reyn Totten Tempel des Heeren, Dat hy daer mach woonen alleyn, Tot lof van syner eeren. Apoc.3,12.Dat sy u maeck volherdich fijn, 1.Pet.5,10.In u goet werck begonnen, 1.Tim.4,10Haer Goddelijcke cracht devijn, 2.Petr.1,3.Maeckt sterck 'tdient wel versonnen.
Mocht sy u regeeren gherust, Dat ghy die zond' mocht haten, En wat der weerelt hier ghelust, Mocht vlieden en verlaten. Sy maeckt u vry van zonden quaet,1.Tim.11. Als vry kinder vercooren,Ioan.8,32. En in die vryheyt nu bestaet,Rom.6,18. Naer 'tGoddelijck behooren.1.Petr.1,16.Gal.5,1. Sy stel u suyverlijck en claer, Voor Godt na sijn behaghen,Luce,1,70. Dat ghy soo meucht blyven te gaer Al uwe leve daghen. Versekeren moet sy u dit, Dat Godt met u zy crachtich,Rom.12,11. En wat ghy hem nu vyerich bidt, Dat hy't u gheeft waerachtich. Kindelijcke ghehoorsaemheydt Moet sy in u bereyden, Om voor Godt te staen wel bereyt,matt.25,10. Sijn comste te verbeyden.1.Thess.5,2. Dees wensch neemt doch in danck van my2.Petr.3,12 Wilt den zin daer van vaten O lieve Heere gheeft doch ghy,Ps.119,43. Ons dees ghenaed' der maten.
Cookies on Poetry Cove