Op de wyse: Ick roep tot u met hertelijcken verlanghen, etc. Om dat Godt in ons hert wil woonen Soo moeten wy ons bereyt vertoonen.
VRIENDEN wilt doch bedencken wat Godt heeft voorghenomen, Dat hy by ons nu wil woonen voorwaer,2.Cor.6,16. Bereyt doch den wegh op dat hy wis mach comen So Esaias daer van getuycht seer claerEsaie.40,3. Die leeghte allegaer // verhooght, die berghen swaer Verneert, het crom maeckt recht, En 'toneffen heel slecht. VAN desperatie in Gods cracht wilt u wachten,Genes.4,13.
Maer gelooft en betrout, want hy heeft macht Hoopt oock niet te seer met ydelen ghedachten Op Gods goetheyt levende onbedacht: Voor Menschen leer u wacht // op die waerheyt hebt acht, Die giericheyt uyt blust // hoovaerdye en 'svleesch lust. 1.Reg.7,1.HAER herten moeten sy oock neerstelijck bereyden, Die hem willen als haren Godt ontfaen, Haer ghedachten reynigen sonder verbeyden Datse Gods macht steedts overlegghen gaen Ephes.3,7.'Tverstant open ghedaen // dat Christus nae't vermaen Mach daer in woonen stil // sijn Gheest in haren wil. matt.22,36.LIefde moet men hem dan alle tijdt bewysen, 1.Ioan.4,9Want groote liefd' bewijst hy aen ons bloot, Met dryderhand' gerechten hem laven en spysen matt.25,35.Nu aen sijn leden, die zijn in hongers noot, En in ellende groot // die sal hy dan devoot Roepen seer blydelijck // comt hier besit mijn Rijck. Apoc.3,20.Naer desen moet men oock hem 'tgeestelijck voorstellen, Maken bereydt, hy clopt, hem open doet, Belyden onse zonden die ons daeglijcx quellen Staen daer van af, en doen oprechte boet, Soo geeft hy met der spoet // ons sijn ghenade goet, Vergiffenisse meest // en blyschap in den geest. Gheneuchde sullen wy hebben, en daer beneven 'Tderde gherecht willich maken bereyt, Psal.50,14.Ons tot loven en tot dancken hier begheven, Prysen Gods name in der eeuwicheyt,
Gelijck als David seyt // eyscht Godt dit met bescheyt, Dieren en soeckt hy niet // noch 'tbloet datmen vergiet. En als wy hem dus dienen altijt sonder beyden Soo moeten wy verciert zijn t'syner eer, Met wit, root, en goude, moeten wy ons cleyden,Apoc.3,5. Heerlijck deurnaeyt na sijns herten begeer,Esaie.63,3. Die consciency teer // moet zijn na Christi leerPsal.45,14 Reyn suyver ende puyr // als een nieu creatuyr. Nacht en dach betrachten 'tlyden Christi bloedich, Met reynder liefde aenghedaen nu ter tijdt, En oock nu bewysen deuchden overvloedich,Petr.5. Waer deur Gods naem hier wort gebenedijdt Wie sijn tijt so verslijt, neerstich sonder respijt Godt die sal diens Godt dan zijn // en hy Gods kint devijn.Eze.37,27. WILT DIT AENDACHTICH SINGEN als ghy comt te samen, En zijt vergaert soo in des Heeren naem, Ic laet u hier met groeten, jae alle met namen Int hert bemint met Christelijck betaem, De Heer maeck ons bequaem // en synen geest vreedsaem Maeck ons zedich en kuys // tot sulc een geestlijck huys.1.Petr.2,5.
Cookies on Poetry Cove