Op de wyse: Het reedt een Ruyter uyt jaghen. Ofte: van die vlas bloem. TRoost die moet u doch wesen Van Godt, om te ghenesen, V leyt, mijn lieve kindt. Recht wensch ick u midts desen,Rom.1,9. Gods ghenade ghepresen, Dat sy u zy ontrint. Iae het is mijn begeeren, Dat u de Heer der Heeren, Biede sijn milde handt. Nu voortaen recht wilt leeren, Dat ghy tot syner eeren, Meucht woonen in het Landt. En wilt doch niet vertsaghen,1.Petr.3,11. Maer nae den vrede jaghen, Soo langhe als ghy leeft.
Komt ghy t'eenighen daghen, matt.10,25.Daer om het Cruys te draghen, Daer voor doch niet en beeft. Een yeghelijck moet lyden, Die naemaels wil verblyden, Met Christus teere Bruyt. Nu wilt het ghene myden, Daer deur men comt tot glyden, Denckt op de schoone buyt. Voor alle dinck wilt mercken, Op alle uwe wercken, Daer met ghy omme gaet. Altijt wilt u Godt stercken, Dat ghy soo Christus Clercken, Rom.12,10.Stadich naer 'tgoede staet. Nu ghy u hebt begheven, In heylicheyt te leven, Soo treedt doch vry voortaen. Streeft nae het goet beseven, Met vreesen en met beven, Wilt ghy goet loon ontfaen. 'Tis goet voor alle dinghen, De lippen te bedwinghen, 1.Petr.3,10.En bewaren den mondt. En wilt gheen clap volbringhen, Col.3,16.Maer eer een Liedt gaen singhen Betrachten in den gront. Niemant wilt meer befamen, Mat.7,12.Dan ghy selver met namen, Gheerne en waert befaemt. Voor schandelijcke blamen, Wacht u, die niet betamen, Ephes.4,1.Ghy weet wat u betaemt. O lieve Susters bloedich, Weest ghetroost overvloedich, Den Bruydegom verbeyt.
Reyn weest doch, niet hooghmoedich,Mat.25,2. Maer vriend lijck ende goedich,matt.11,29. Soo Christus heeft gheseyt. Dit is van my ghesonden, Op dat ghy soudt u pondenMatt.25,14 Neerstich stellen int werck. En wilt dit wel deurgronden, Op dat ghy trou wordt vonden, De Heere maeck u sterck.
Cookies on Poetry Cove