Op de wyse, van den 12 Psalm, doet ons bystant 'tis meer dan tijdt o Heere. Matt.6,10.ALleen u rijck laet Heere tot ons comen, Binnen in ons hert laet dat zijn gheprent Dat wy dees arge werelt t'onser vromen, Mogen verlaten 'thert t'uwaerts ghewent. Leert ons in het gemoet te recht versmaden Rom.14,18Al 'tsienlijcke en d'aerdsch als onghewis, En dat wy 'thert willich en wel beraden Keeren tot het geen dat onsienlijck is. Iae dat wy vreed vercrygen en die vreuchde Des heylgen Geests 'twelck is u heerlijck rijck, Wilt ons dit doch gheven t'onser gheneuchde Dat bidden wy u te samen ghelijck. Dus comende sult ghy ons troost bewysen Maer maeckt voor heen hier toe ons hert bereyt Int inwendige, soudt ghy verjolysen, Ons soo te vercieren niet en verbeyt. Ghy wilt ons doch nu soetelijck in spreken Psal.33,19.Ghenaed' en troost veel vredens menichfout V vrientlijckheyt die dickmaels is ghebleken Wonderbaerlijck bekent by jonck en oudt. Apoc.3,20.En daerom o ziele wilt u bereyden, Reynicht het hert en dat wijt open doet Op dat hy consenteren naer't verbeyden By u te comen willich metter spoet. Laet ons nu willich hem die stede gheven, Besluyten al den andren den inganck, Want als wy Christum recht hebben verheven, Matt.25,6.Soo zijn wy rijck ons gantsche leven lanck. Och desen Bruydegom laet ons benoeghen Want hy wil en sal ons versorger zijn, En syne hulp ons daghelijcks toe voeghen Als ons die menschen verlaten met schijn. 1.Petr.5,7.Voorwaer sijn hulp bestaet en sal ooc blyven
Setten laet ons die sorghe op hem vast, Hy zy ons vrees en liefd' in ons bedryven Hy schickt al dinghen soo't ten besten past. Voor ons en is hier geen blyvende stede Vremdelinghen ende Pelgrims zijn wy1.Petr.2,11 Sonder u Heere zijn wy met onvrede Daghlijcx ghequelt en daer toe nergens vry. En hier en is geen rechte rust te vinden Maer waer ghy zijt daer ist vreedlijcke landt Daerom wilt ons nu vastelijck verbinden,Coll.3,14. Met u, verstrickt ons metter liefden bant. Nu ghy lief Heer ons beden hebt verstanden En soo vernomen onser hert en gront,Psalm 31,6. Soo bevelen wy ons in uwe handen,1.Petr.1,8. Draecht doch sorghe voor ons tot aller stont.
Cookies on Poetry Cove