Op de wyse: In ongheluck ben ick gheboren, etc. 1.Petr.3,7.ALs desen Hemel schoon hier boven, Psa.102,26Apoc.14,3.En dese Aerd' oock sal vergaen,
Wie sal dan, u Godt, moghen loven, En voor u aenghesicht bestaen? Richt doch mijn hert tot deser uren Met uws woordts harden hamerslach, Dat ick mijn ellende betrueren,Matth.5,4 En mijn leven beteren mach.Matt.4,17. In my wilt dooden onbeladen1.Ioan.2,16. Des werelts lust die haest vergaet,Luc.15,19. En neemt my, Heer aen, in ghenaden,Sapien.5,3. Eer dat ick my versin te laet. Als my de werelt doet bestryden, Met haren schoonen valschen schijn2.Tit.4,17. Dan staet doch, Heer, aen mijner zyden,Matt.9,22 En wilt doch ghy mijn helper zijn. En recht mijn voeten t'mijner baten, Ick meyn mijn ziel, gheest, end' mijn hertRom.12,1. Dat ick de werelt mach verlatenDeut.7,5. Niet volghen, of schoon my wat smert.1.Petr.4,8. Naer uwe liefde doet, Heer, branden, Al mijn ghemoet, diet vyer ontsteckt, Stiert my daer toe met uwen handen, Tot ick dit vinde heel perfeckt.Luc.2,14. Gheeft my den goeden wil om soecken,Tob.5,4. Desen leydtsman, Heer, my bestelt, Op dat ick my nu mach vercloecken Om 'tHemelrijck te doen ghewelt.Mat.11,22 Een lieflijcke handt wilt my bieden,Marc.8,23 Acht doch niet Heer, dat ick ben sno,Matth 8,8 Mocht uwen wil in my gheschieden,Matt.6,10 Dat soud' maken mijn herte vroLuc.7,48. Neemt my aen, Heere, wilt mijns ontfermenPsal.20,10 Met Maria my troost bereyt,Marc.8,23 Ghy hoort doch geern het deerlijck kermen Des geens die claeghlijck tot u schreyt. Houdt stil, Heer, nu die blinde ropen, Ontfermt u mijns, Ghy Godes Soon,
Doet doch oock myne ooghen open, Dat ick't licht mach aenschouwen schoon. Ioan.11,43Van den doot wilt my op verwecken Met Lazaro my 'tleven gheeft, Oft ick schoon stincke, Heer, van vlecken, Marc.9,20Van jonckheyt op seer heb ghesneeft. Mat.17,15Beneemt den geest doch Heer sijn machte Die mijn ziele dus deerlijck quelt, Luc.8.45Drijft hem uyt door u stercke crachte, Daer van ons die Schriftuer vermelt. Eens laet my doch, Heere ghenaken, Den zoom uws cleedts, ick word' ghesont, Och mocht ick dese vreuchde smaken, Inwendich in mijns herten gront. Rasch soud' mijn ziele haer bereyden, Ephes.5,19Om u te dancken met ghesanck, Sy soud' om dese salicheyden, Apoc.4,11.V segghen, lof, prijs, eer en danck. Toeft niet, Heer, wilt dit in my wercken, Tot ick perfectelijck bevindt, In mijn swackheyt wilt my verstercken Actor.2,2.Met uws heyl'gen Gheest soeten windt. So wil ick nu voortaen beginnen En ophouden tot geener tijt, Sap.5,17.My schicken om die Croon te winnen, Heere, daer toe mijn helper zijt.
Cookies on Poetry Cove