Op de wyse: Ick ben een arme Pelgerim siet, etc. NAer u laet my verlangen HeerPsal.42,3 Want vol smerten is al mijn leven Vol van benautheyt even seer,
Van pynen doet mijn herte beven. Eccles.17,1.En zijt ghy niet de Schepper mijn Apoc.17,15.Die my het leven gaeft midtsdesen Soo wilt oock nu mijn helper zijn, En mijnder doch ghenadich wesen. En my doch Heer niet en verlaet Psalm.51,1.Maer wilt u over my ontfermen In mynen jammerlijcken staet, Verhoort mijn suchten en mijn kermen. Staet my met uwer goetheyt by Want ghy kent mijn swack onvermoghen Dat ick nimmer en mach zijn bly, Noch sonder uwen troost verhoghen. Ghestadich hebt doch op my acht Die ellendich ben, swack en teere Het staet alleyn in uwe macht, My te helpen o lieve Heere. EN oft soo u behaghen waer Matth 8,2Dat ick dees' smart noch wat soud' draghen Soo gheeft my doch o lieve Vaer, Hebr.10,36.Lijdtsaemheyt in mijn banghe daghen. Psal.38,1.Ghenadelijck my doch castijt En wilt my Vaderlijck ontfanghen En laet doch zijn tot alder tijdt, Psal.42,13.By u te comen mijn verlanghen. Esai.55,6.Om u te soecken soo't behoort Gheeft my 'tverstant int onderwinden Op dat ick u soo rechte voort, Mach Heere inder waerheyt vinden. Vast en ghestadich by u staen En schicken nu tot uwer eeren Al 'tgeen dat van my wort ghedaen Om uwen lof (Heere) te vermeeren. En dat ick my soo draghen mach Mat.12,14Vernedert na u welbehaghen En als comt mynen lesten dach,
Mach dan vry staen sonder vertsaghen. Rusten van alle smert en pijn Die hier op aerden is te lyden Daer men sal staen voor u aenschijn, En eeuwelijck met u verblyden Troostlijck is dit, en 'tdient bedacht Dat men door d'enghe poort moet dringhenMatt.7,14. Die daer ghestadich dach en nacht, Het nieuwe Liedt wil helpen singhen.Apoc.14,3. Seer ootmoedich bid ick u noch Gheeft my dit Heer al te samen Wilt my hier in verstercken doch, Laet dees' mijn bede worden Amen.
Cookies on Poetry Cove