Op de wyse van den 13. Psalm: Hoe langh, etc. GHy jonghe Ieucht over al, Hoort wat ick u vermanen sal
Met dit gheestelijck Liedt, en singhen, Wat ghy doch nu voor alle dinghen Hier sult soecken int Aerdtsche dal. Mat.6,33.Recht ende slecht sonder beswijck Voor't aldereerste Godes Rijck, En sijn gherechticheyt met desen: Al wat u hier van noot sal wesen Sal u toevallen al ghelijck. Int beginnen (wilt dit verstaen) Eccle.17,22.Moet ghy hier uyt de Weerelt gaen, En tot den Rijcke Gods u keeren, En wat u daer van mochte weeren Moet ghy den rugghe keeren saen. En vergheten 'tghen' is voorby, Phil.3,13.V schicken met neersticheyt bly Naer 'tghen' daer ghy geern soud toe comen, Int Hemels wesen by de vromen, Die soo Gods Rijck soeckt, vindt het vry. 1.Para.22,19.Ten tweeden dit oock neerstich leert Dat uwen wil nu zy ghekeert Tot allen dinghen uytvercooren Die tot den Rijcke Gods behooren, Daer voor niet anders en begeert. Gods wil met uwen wil ghemeyn, Mat.6,12.Niet anders willen groot noch cleyn, Luc.11,6.Gheneghen datmen dit mach mercken Dat soo gheschieden al u wercken Hier naer den wille Gods alleyn. En dat u hert soo gantsch ghehiel Ghericht, naer 'tRijck Gods, lijf en ziel, Hebr.12,13.Niet half, ondicht dat ghy soudt hincken, Col.3,2.Het aerdtsch en 'tHemels te bedincken, Kiesen 'tRijck Gods voor't beste deel. Nu ghy dit weet mijn lieve kindt, Soeckt neerstich tot ghy't oock soo vindt Van gantscher en gheheeler herten
Nu by tijdts, oft het soud' u smerten,Matt.6,33. Als men die saeck te laet versindt. Int eynd' vint men dit Rijck Gods schoon, Soo men int soecken trou is coon, En soo't voorseyt is, doet beginnen, Noch gheen dinck hier meer doet beminnen, 'Tsal hem worden tot eenen loon.Luc.9,62. Al slaet men de handt aen den ploech, En siet te ruggh', 'tis niet ghenoech, Tot Gods Rijck is men onbequame, Beneersticht u in s'Heeren name, Begint doch vry by tyde vroech. Nu ghy van't soecken hebt ghehoort, Verstaet wat het zy uyt Gods woort, 'Tis Gods Ghemeynte uytghelesen,mat.13,41. Inwendich deur ghenae ghepresen,Luc.17,21. Naemaels in glory eeuwich voort.matt.25,34. Seer heerlijck wort het toeghevoecht Die't hier neerstich hebben ghesoecht: Maer die soecken des weerelts vreuchde, Des vleeschs wellust en sijn gheneuchde, Worden int verderven ghevoecht. DOCHTERs en Sonen wort ghesticht, En soeckt dit Rijck, zijnde bericht, Wat soud' u anders moghen baten, Als ghy 'tHemelrijck moest verlaten, En scheyden van Gods aenghesicht?
Cookies on Poetry Cove