Het groote liede-boeck

Op de wyse: Gheeft my te drincken na mynen dorst.

MAttheus schrijft int seste claer,Matt.6,3. Hoe een Mensch sal aelmossen ghevenRom.12,8. Die voor Godt gelden claer, Worden beloont int eeuwich leven, Een yegelijck wil daer na strevenLuce,14,14. Dat hy vercrijcht het rijcke schoon Op Syons Bergh seer hoogh verheven,4.Esd 2,41. 'Tis des eeuwigen levens Croon.Apoc.7,9. Eest dat ghy nu verandert zijt,Mat.18,3. Wt water en Gheest nieu ghebooren, SoecktIoan.3,5. dat daer duyrt een lange tijt, En nimmermeerLuce,12,33. en gaet verlooren, Op dat ghy de stemme1.Ti.6,19. meucht hooren: Comt en besit mijns Vaders Rijck,matt.25,34. Ghebenedyde uytvercooren,Ioan.15,16. Gaet in mijn vreuchde al ghelijck.matt.25,13. Christus de Heer en sal voorwaer Niemant meer dan de gene prysen, Die hiermatt.10,42 sijn arme cleyne schaer Voeden, cleeden, drincken en spysen, Herbergen, ende troost bewysen,mat.35,46. En versoecken als sy zijn cranck,joan.13,20. En ghevanghen, sonder afgrysen, Dit doende al haer leven lanck. Hier op hadden de vromen acht, En deden sullicx Godt ter eeren Oeffenden 'tselve dach en nacht, Ghelijck Tobias metTob.1,16. ende 4,5, ende 14,12. begeeren, Synen soon ginck hy neerstich leeren En sprack: Mijn sone, wat ghy meucht Wilt u niet van den Armen keeren,Pro.11,24, ende 19,7. Van uwen goeden doet hen deucht. En soo sal Godt ghenadelijck, Sijn aenghesicht niet van u wenden,Eccles.4,7. Wat ghy meucht, helpt ghestadelijck Den behoeftighen en ellenden: Hebt ghy veel, soo wilt vele senden, Hebt ghy weynich, so gheeftSyr.35,18. daer van, Weynich den vreemden en bekenden, Met trouwer herten als een Man.Syr.4,1. ende 14,11. Lieve kindt, seyde Syrach voort,

Deut.15,7.Laet den Armen genen noot lyden, En weest doch niet hardt en verstoort, Den nootdruftigen in dees tyden, Hem te bedroeven, wilt u myden In syner armoedt die hy heeft, Een bedroeft herte wilt verblyden Drucket niet neer, soo langh ghy leeft. Troulijck gheeft u gaven gheringh, Deut.10,18.Den Armen ontsegt niet sijn bede, Den Wesen en den vreemdelingh, Deylt doch Syr.7,35.altijt goetwillich mede, Ghy sult ghezegent zijn in vrede By alle menschen aenghenaem, matt.26,37.Wat ghy dan bidt na Christus zede, Sal Godt verhooren seer bequaem. Syr.29,12.Helpt den Armen om het ghebodt, Deut.15,7.Niet ledich en wilt hem gaen laten, Verliest Luce,6,35.geerne gelt beslot, Om den Armen comen te baten: Begravet niet, willet vaten, Onder den steen, daert doch vergaet, Vergadert eenen schat der maten, Die boven eenich goudt bestaet. Syr.14,13.Iae doet den Armen doch wat goets, Handtreyckinghe na u vermoegen, Als ghy vrolijck zijt en goets moets, Vergeet hem niet in u verhoegen, Soo sal u Godt de Heer toevoegen, De vreuchde die ghy oock begeert Heylicht u ziele in u poeghen, Als ghy doot zijt, ist uytgheteert. Iob,31,16.Ey hoort doch eens wat Iob uytleyt, Synen vrienden, wilt die betrachten, Heb ick den armen oyt ontseyt Sijn begeerte, laten versmachten? Der Weduwen ooghen in haer clachten? At ick mijn bete oyt alleen? En at de Wees niet mee, wilt achten? Vrienden en houdt dees leer niet cleyn. Iob,31,18.Nu heb ik my van der jonckheyt Aen, als een goet Vader ghehouden,

En van Moeders lijf met bescheyt Heb ick geern getroost den benouden, Heb ic yemant sien gaen vercouden, Dat hy gheen cleedt en hadde aen? Ende den Armen en benouden Oyt sonder decksel laten gaen?Iob,31,20. Van den vellen zijnse becleyt, Die mijn Lammerkens deden draghen, Die hebbense verwermt bereyt, In de coude wintersche dagen, Vrienden hoort wat Iob gaet gewagen, Dat sijn zyden gezegent zijn, Van haer, na Godes welbehaghen, Dat was sijn toeversichte fijn. Aerdtsche schatten vergadert niet,Mat.6,19. Seyt ons Christus Gods Soon van desen,Luce.12,33. Die mot en roest verteren siet, En dieven stelen, soo wy lesen: Maer in den Hemel hoogh ghepresen1.Ti.6,19. Vergadert u schatten ghewis, Want waer dat uwen schat sal wesen, Aldaer stadich u herte is. Neemt aen u de nootdrufte grootRom.12,13. Der heylighen, waer datse woonen, Seyt Paulus: siet hoe sy in noot Haer in'tAct.2,44. beginne ginghen toonen, Niemant en deed' sijn goet verschoonen, Maer brochten 'tghelt alst was vercocht, Op dat een elcken sonder hoonen Hem daer van wordt sijn nootdruft brocht. Het is saliger gheven, danAct.20,35. Te ontfangen, 'tzijn Paulus reden, Wel hem die 'twel bevroeden can, Soo de2.Cor.8,2. Macedoniers deden, Hoe wel datse armoede leden, Nochtans hebben overghevloeyt Ghelijck een rijckdom in haer zeden, In aller simpelheyt ghegroeyt.2.Cor.9,6. Eenen vrolijcken ghever milt Heeft Godt lief, en sal hem verfraeyen, Want wie nu spaerlijck zaeyen wilt,

Moet hier namaels oock spaerlijck maeyen, Wel hem die hier rijcklijck gaet zaeyen, En gheeft daer nae dat hy vermach, En vrolijck gaet den armen paeyen, Niet uyt bedwanck, noch met ghelach. Esai.58,7.Iae breeckt den hongerigen tbroot, En dennen die zijn in ellende, Leydt in sijn huys, stopt haren noot, Den vreemden als de welbekende, Die sal comen in Christus bende, Daer hy eeuwich verblyden sal, Als hy roept aen het leste ende: Mat.25,24.Comt mijn uytvercoren ghetal. Seer lieflijck weest ghegroet van my 2.Petr.3,11.Ledekens Christi al te samen, Op dat ghy Ephes.5,1.meucht met herten bly, Voor Godt staen, Ioan.13,15.en u niet beschamen, Wandelt in liefde nae't betamen, So Christus ons ooc heeft bemint, Verschijnt niet met den blooten namen, 2.Petr.1,4.Zijt ghenatuyrt als een Gods kindt. Tot een besluyt, soo weet dit noch Rom.2,13.Dat niemant sal baten het weten, Maer het Iaco.1,22.goet doen sonder bedroch, So houdt de Wet Deut.31,12.en de Propheten, Christus wilt niet hebben vergeten, Luce,14,13.Aen alle menschen in ghemeyn, Wie nu bewaert dees hoogh secreten, Ontfanght den loon in 'sHemels pleyn.