Het groote liede-boeck

Op de wyse van den 88 Psalm: Heer, die my dus langh, etc. Psal.123,1.MIjn ooghen heff ick tot u Heer, Luc,15,18.Ootmoedelijck uyt 'shertsen gronde, Com ick voor u in dese stonde, Psal.86,6.Verneemt doch mijns herten begheer, 1.Reg 3,7.Wilt my wijs maken om wearachtich, Ephes.5,20.V te loven, ghemoet, aendachtich. Alsulck een spel, waer met men sal V loven, gheeft my in mijn handen: Deut.6,5.Doet mijn herte tot uwaerts branden, Psal.51,19.Vernedert, en ghebroken al, Nae uwen wil neerstich te vraghen, Luce,1,69.Om u te dienen in mijn daghen. 'Twaer my, o Heer, een groote vreucht, Dat ick u gantschlijck mocht behaghen Esa 57,13.Maeckt, Heer, daer toe mijn hert verslaghen, Luce,15,24.Te zijn u kindt, nae u gheneucht, Op dat ick mach in mijn verzinnen, 2.Petr.1,15Het goet en oock de deucht beminnen. Terwylen u behaghen staet,

Niet in het uytwendighe schynen Maer dat den schijn sal gantsch verdwynen Soo gheeft my doch cracht tot der daet,Mat.7,24. Naer 'tvoorbeelt Christi uytghelesen, Dat mijn daet altijt soo mach wesen. Eenen goeden willighen Gheest,Esai.57,13. Een hert ghebroken u te vreesen,Psal.51,19. 'Tverslaghen ghemoet, recht ghepresen, Laet, Heer, in my ghestelt zijn meest, Doot en roept uyt door u beweghen, Wat in my leeft, en u is teghen.Rom.7,18. Voor stoutheyt, Heere, my bewaert, Teghen de eer van uwen name,Rom.11,20. Op dat ick mach mijn tijdt bequame,Act 17,16. Verslyten, jae mijn pilger vaert,1.Petr.1.17. In alle dinghen t'uwer eeren, Alleen doen, dat ghy gaet begeeren. Sacht en ootmoedich met bescheytmatt.11,29. Was u lief kindt in al manieren, Wilt al mijn doen oock soo bestieren, Dat ick tot lyden word' bereyt, Geerne met hem aen 'tCruyce mach hanghenRom 6,6. En oock verrysen met verlanghen1.Cor 6,14. Recht als hy opghevaren is,Luce,24,51. Alsoo gheeft my in mijn ghedachten Het Hemels alleen te betrachten,Coloss.3,2. Want al d'Aerdtsche is onghewis, Gheeft dat ick mach tot allen stonden, Rusten en vyeren van den zonden.Hebr.4,10. Van de helsche pijn my bevrijtApoc.14,11. Maer als Christus de sijn sal croonen,4.Esd.2,43. Dan wilt my oock u gracy toonen, Dat ick met haer mach zijn verblijt,Apoc.14,1. En van den soeten wyne drincken,mar.15,25. Den u lief kindt aldaer sal schincken.mat.26,28. Ick ben, O Heer, int hert ontsinckt,

Apoc.14,3. ende 5,9.Als ick betracht het lieflijck singhen, De vreuchd' die men daer sal volbringhen, Iae als mijn hert daer aen ghedinckt, Soo moet ick bidden, Heer, met beven, Colos 1,12.Wilt my doch oock een deel daer gheven. Luce 17,5.Sterckt mijn gheloof om onverflout, matt.7,24.O Heer, mijn huys nu vast te bouwen, 2. Cor. 3. 10.Op't rechte fundament vol trouwen, Apoc.21,2.In Ierusalems muyren stout, Matt.7,13.Op desen padt stelt doch mijn voeten, Gheeft datse daer op blyven moeten. 1.Cor.1,8.Segghen sal ick u eeuwich danck Psal.70,2.Als ick dees hulp by u sal vinden, 1.Ioan.4,10.My aenneemt voor uwen beminden, matt.5,34.My maeckt ghesont, die ick was cranck, Met eer en prysen voor u coemen En u goetdaden hoogh beroemen. Apoc.5,13.En segghen, u behoort de macht, Het Rijck staet in u woordt met crachten, Psa.10,16.Die duyrt van gheslacht tot gheslachten, Heer dit bedencken dach en nacht, Psa.32,6.Sal ick u bidden door 'tverclaren, Psal.17,8.Dat ghy my voortaen wilt bewaren. Deut.4,7.Naeckt u, o Heer, weest ons ontrent, Apoc.3,17.Want ghy doch kent al ons ellende, mat.25,34.Vergadert ons in uwe bende, Hier namaels in des Hemels Tent, Mijn ziel doet u daer in belusten En wilt soo in den Heere rusten.