Het groote liede-boeck

Op de wyse van den 37. Psalm: Quelt u daer met niet, etc. SIngt doch met my, laet ons den Heere loven, Den grooten God, seer hoogh verheven wijt, Die ons sijn groote ghenade van boven, Ghegheven heeft in desen quaden tijdt, Matth.22.En tot der Bruyloft heerlijck heeft beroepen Apoc.19,7.Ons te verblyden met grooten jolijt. Al dewijl dat de deure noch staet open, En hy sijn knechten heeft tot ons ghesendt, Ey lieve, laet ons doch vrymoedich loopen, Het aenghesicht van der Weerelt ghewendt: Gen.19,26.Met Loths Huysvrouwe doch niet eens omkijcken, Na het Aertsche, want dat gaet haest ten endt. 2.Petr.3,10Rijck, almachtich, by gheen dinck te gelijcken Is Godt de Heer, ende hy heeft bereyt, Een eeuwich Rijc, voor Armen ende Rijcken, D'wellijck sal duyren in der eeuwicheyt Op dat een yeghelijck daer toe mocht comen matt.25,10.Den wel-bereyden is het toegheseyt. Esaie,1 *Kleeder sneeu wit dienen wel met ghenomen Colloss.3,8.D'oude moet zijn te samen uytghetreckt, Ephes.4,24'Tnieuwe moet men nu aen doen, als de vromen Rom.6,5.Met Christo zijn aen het Cruyce ghestreckt Sullick verciersel doet Godt meest behaghen Om voor hem te verschynen heel perfeckt. Esaie.57,13Een herte dat gheheele is verslaghen, Psal.34,19.Eenen ootmoedighen ghebroken gheest, Psal.51,16.Sulck offerhanden moet men hem voordraghen Ps.103,17.Wel hem, die Godt van gantscher herten vreest En daer deur het onrechte hier gaet vlyden, Matt.22,2Dese sal daer verschynen in sijn Feest. Niet en vertoeft, comt doch voort sonder myden, matt.22,10.Ghy die de stem der Knechten hebt ghehoort

Wat u beswaert, stelt doch vrolijck bezyden,Hebr.12,1. Maeckt gheen onschuldt, maer gaet doch willich voort,Mat.22,5. De Coninck soude hem anders verstooren, Om dat men niet acht en heeft op sijn woordt. Recht bedenckt doch, ghy vrienden dit te vooren, Dat de Heere der Bruyloft comen sal, En de gasten aenschouwen, na 'tbehooren, De onbecleede comt in ongheval, In de Hel moet hy met ghebonden handen, Worden gheworpen uyt dit lief ghetal. Vrolijc verheucht, bevrijdt van alle schanden Sullen d'ander singhen het nieuwe Liedt:Apoc.14,3. Salich zijn dese, die't hebben verstanden, End' het tydelijcke gantsch en achten niet, Maer datse nu voor al 'tHemels begeeren,Colloss.3,2. En hen verblyden in haer swaer verdriet. Treedt nu vry voort, Dochter, sonder omkeeren, Alsoo ghy hebt begonnen van der jeucht, De Coninck groot begeert u t'syner eeren,Psal.45,1. Voor u heeft hy een Croone vol van vreucht,Sap 5,17. Eenen halsbant van goude uytghesteken,4.Esd.2,4. End' eenen rinck, u te maken verheucht.Luce,15,2. Gheen tongh' en soud' het connen uytghespreken,Esaie.64,1. Dat Godt den synen namaels gheven sal,1.Cor.2,9. Die uyt sijn weghen niet en zijn gheweken,Psalm.119. Doe sy hebben gheleeft int Aerdtsche dal, Daerom dat hy ons ginck openbaren, Laet ons hem loven met blyden gheschal. Eeuwige God, ghy Heere der heyrscharen Wy loven ende dancken uwen Naem,Genes.21,3. Wilt ons doch nu van het quaet doen bewarenMatt.6,13. Maeckt ons te samen tot der deucht bequaem, Op dat wy vroom moghen voor u verschynen

Matt.25.*Verhoort ons doch, o ghy ons Godt eersaem. Reynicht ons Heer, doet wech 'tzondich beswaren, Psalm.51,9.'Tduyster ghesicht, verlicht deur uwe cracht, Luc.13,41.Op dat wy recht moghen nae u verclaren, Nu onderscheyden het licht van der nacht, Heere, wilt ons in uwe weghen leyden, Psam.25,5.Wy ons verlaten op u groote macht. Seer hooghe moet men u eere verbreyden En al u doen int gantsche aerdtsche Landt, Ghy alleen meucht ons tot der Feest bereyden Door Iesum Christum, doet ons doch bystant, Psal.100,3.Wy zijn, O Heer, de Schapen uwer weyden Wilt ons doch leyden, Heer, met uwer handt.