Op de wyse: van den 24 Psalm. De aerd' is onses Gods voorwaer, ofte: Comt her tot my spreeckt Godes soon. GRootmachtich Godt en Heere mijn,Deut.10,17. Alle mijn goet zijt ghy met schijn, Wie ben ick dus (zondich doorstreken) Dat ick doch soude mynen mondt, Hier open doen tot deser stondt, Oft voor u Heere derren spreken.Luce,1,38. Recht u aldersnootste dienstmaecht Ben ick, in my selven versaecht, En verworpen aerdtworm deur zonde,Apoc.3,17. Veel armer en versmader dan, Ick selve weet en kennen can,
Ia mach uytspreken metten monde. Ia lieve Heer ghedenckt doch ghy, Dat ick niet en ben, noch van my Niet en hebbe my te verhogen, Ps.119,137.Ghy zijt alleen gherecht en goet, Esaie,6,3.Die van heylicheyt overvloet, Eccles.1,8.Hebt alle dinck in u vermoghen. Ephes.1,23.En vervult al dinghen te gaer, Alleyn laet ghy hier den zondaer Wel en gheheel ledich blyven, Heere weest aendachtich bereyt, Ghedenckt uwe barmherticheydt, En laetse doch aen my beclyven. Troulijck doch mijn herte vervult Met ghenade t'myner onschult, Want ghy en wilt tot genen stonden Apoc.3,17.Dat uwe wercken cleyn noch groot, Hier in dit wesen naeckt noch bloot, Ydel, ledich worden bevonden. Gantsch ick my niet lyden en mach, Noch verdraghen sonder beclach, Als my hier niet en doet verstercken, V barmherticheyt en ghenae, Keert u aenghesicht vroech en spae, Tot my, o Heer, dat ick't mach mercken. En toeft doch Heere niet te langh, 1.Cor.1,3.My te besoecken ick ben bangh, Num.11,6.Vwen troost wilt my niet ontrecken, Dat mijn ziel niet en word' ghelijck, Als nu is het verdroocht aertrijck, Sonder water in dese plecken. Nae u goet welbehaghen coen, Leert my Heer uwen wille doen, Soo langh ick ben hier in dit leven, Hier toe begaf ick my met spoet, Waer soo ghy my geen hulp en doet,
En worter niet van my bedreven. Op dat ick niet en struyckel slecht, Soo leert my doch voor u oprecht Wandelen nae u welbehaghen, Ootmoedelijck en heel verneert,matt.11,29. Hier toe lief Heer mijn cracht vermeert, En al den tijdt van mynen daghen. Voorwaer ghy zijt seer triumphant, Heer, mijn wijsheyt en mijn verstant, Ghy kent en weet mijn doen waerachtich,Psal.139,1, ende 33,15. Eer dat die weerelt was ghemaeckt, En ick gheschapen bloot en naeckt Hebt ghy my ghekent heel aendachtich.Psal.129,8. Laet uwen zegen lieve Heer, Over my comen even seer, V handt wilt my ghebenedyden, V goetheyt my omvanghe ront, Op dat mijn ziele word' ghesont, Verlost van dit pynelijck lyden. Alleyn in u soeck ick mijn rust, Ghy alleen zijt mijns herten lustmatt.11,30. Daer in ick Heer heb mijn benoeghen, Wat ghy my sonder u beleeft, Instort oft deur 'tgheloove gheeft 'Tschijnt t'samen cleyn voor mynen ooghen. Noch wat men hier voor ooghen siet, En can my recht vermaken niet, Als ick u Heer niet en aenschouwe, By my staende met uwen cracht Tot mijnder hulpen dach en nacht Soo verkeert al mijn vreucht in rouwe.Psal.69,2. Tot my neycht u Bruydegom goet,Matt.25,6 Laet my u doch omhelsen soet, Wilt my in u armen ontfanghen, Ghy alderschoonste diemen vint,Psalm.45,3 Liefhebber die mijn ziel bemint,
Wie brenght my tot u naer 'tverlanghen. Sal ick niet leven dennen dach Dat ick noch wisser als ick plach, V vrientlijck goet wesen te samen, Sal aenschouwen int hert verheucht, Laet dit doch o mijn Godt met vreucht, Door Christum u kindt worden, Amen.
Cookies on Poetry Cove