op de wyse: O Mensche, hoe meucht ghy zijn verblijt, ofte: Wy moeten al in een ander Landt. GEen meerder vreucht en can men siet,Ioan.3,15. Overdencken, als t'eeuwich leven,Ioan.6,40. ende 5,11. Dat Christus wil schincken om niet,Matt.19.28.29. Dennen die haer hem overgheven, En volghen hem op syne baen,Mar.10,17 Die sullen met hem in het leven gaen.Rom.6,6. Elck een die dit leven begheert,Matt.18,5. 19,14. Die moet den vleesche hier af sterven Als een cleyn kindt zijn omghekeert, Wil hy d'eeuwich leven beerven, Iae wil hy comen in Godes Rijck, Den Enghelen Godes worden ghelijck.Mat.22,30. Mat.19,6Raet vraeghde eens een Ionghelinck coen Christo, en sprack tot syner vromen,marc.10,17. Goede Meester, wat sal ick doenLuc.18,15. Om in d'eeuwich leven te comen? De Heere sprack doe met der spoet Hoe comt het, dat ghy my gaet heeten goet? Ten is niemandt dan Godt alleyne Die goet is boven alle Goden, Wilt ghy int leven gaen certeyn, Soo moet ghy houden de Exod.20.13. gheboden: De Ionghelinck sprack tot Christo fijn,Deut.5,17. Wat souden dat doch voor gheboden zijn?Rom.13,9. Hy sprack: ghy en sult niet doodt slaen,Exo.20,13. Noch oock gheen Overspel begheeren Noch niemant valsch betuyghen saen: Vader en Moeder sult ghy eeren,Deut.5,17. Vwen Naesten, dit wel versint,Lev.19,19. Hebt lief, alsoo ghy u selve bemint.Rom.13,9. Iesu, de Ionghelinck antwoordt gaf,Matth.10,20. Daer van en ben ick noyt gheweken,
Tot nu van myner jonckheyt af: Wat soude my dan noch ghebreken? Hy sprack: wilt ghy zijn gheleert recht, Volcomen, soo als een ghehoorsaem knecht. Mat.19,21.Een dinck ghebreeckt u noch ter tijt, Mat.10,21.Gaet wilt u haef en goedt vercoopen, Mat.6,19.Gheeft aelmoessen maeckt u des quijt, En wilt my naeckt en bloot naeloopen 1.Ti.6,17.Soo sult ghy hebben eenen schat, Int Hemelrijcke, in de schoone stadt. Luc.18,23.Nu was de Ionghelinck bedroeft, Als hy dees red' van hem ded' hooren, Sijn hoope die was hem berooft, Ioan.3,3.Och hy en was niet nieuw ghebooren, Luc.18,17.Noch als een cleyn kindt omghewent, Luc.18,24.Hoe swaerlijck gaen dese in s'Hemels tent. Christus woude leeren hier mee, Mar.10,24Dat men sijn hoope niet soud' setten, Op ghelt noch goet, naer 'swerelts ze, 1.Pet.1,13.Maer in Christo sonder verletten, Luc.12,10.Hy wijst ons aen den rijcken Man, Iere.17,11.Hoe haestelijck moest' hy scheyden daer van. Laet ons doch nu alsoo 'tbehoort, Nae het eeuwighe leven stellen: Mat.7,13.Breedt is den wegh, wijdt is de poort Die afvoert en leydt totter Hellen Veel menschen gaen nu desen ganck, En moeten treuren in het helsch bedwanck. Luc.13,22.Alsoo is de poort engh en smal, Matt.7,16.Den wegh die ons te recht sal leyden, 4.Esd.7,7.In d'eeuwich leven, by 'tghetal Apoc.6,9.Die onder den Altaer verbeyden, Och weynich menschen vinden hem, Apoc.21.Hoe raken sy int nieuwe Ierusalem. Psal.24,13.Elck een die dit leven nu wil, 1.Pet.3,10.En wenschet te sien goede daghen,
Bedwingh sijn tongh, hy houde stil, Sijn lippen, na Gods behaghen, Hy doet het goet, en keer van 'tquaePsal.37,8. Hy soeck den vrede, en hy jaegh' hem naeEsai.1,16. 'Slevens Croon is dennen bereyt4.Esd.2,45. Die overwinnen en volheerden, Het schoon gheneuchelijck wit cleyt,Apoc.2,10. Sullen sy met vreuchden aenveerden,Apoc.6,12. En singhen het Liedeken schoon,Apoc.14,3. Met Gods Soon boven in des Hemels Throon. Liefste in Godt, ick schinck u dit, Dat ghy u daer met soudt vermaken, En dat ghy Godt oock voor ons bidt,Eph.6,19. Op dat wy moghen al sijn saken,Rom.6,20. Recht uytvoeren aen elcken cant, Tot dat wy comen int beloofde lant.2.Tim.4,5. Keert u ghestadich tot den Heer,2.Pet.3,13. Hy helpt alleen uyt al beswaren,Eph.6,18. Laet ons leven na sijn begheer, Ick hoop hy sal ons haest vergaren, Naer synen wil alst hem behaeght, Dus u cleyn droefheyt doch met vreuchde draeght.
Cookies on Poetry Cove