Op de wyse: Een goet nieu Liedt heb ick bedacht, etc. ANders en weest doch niet bedacht Beminde in den Heere,Psal.1,2. Dan dat ghy u dach ende nacht, Nu oeffent in Gods leere.Eccl.2,20 NEemt dit doch in u herte vast, Tot dat ghy't recht meucht vaten, Op Gods vreese moet zijn ghepast, Nemmermeer zijn verlaten.Actor.17,25 KENt dat hy u het leven gheeft,Mat.10,28.
En can u dooden snellijck, Ghelijck als hy't ghegheven heeft Mach hy't oock nemen fellijck. DICKwils wilt oock ghedachtich zijn, Wat loon dat die verwachten, Mat.22,13.Hier namaels in de helsche pijn, Luc.13.26.Die Godts vreese verachten. Met ernste oock ghedachtich weest Hoe ons sullen beclaghen, Ons quade wercken aldermeest, Mat.25,32.Als Godt ons laet voor daghen. 1.Cor.15,52.VLieden en can men 'toordeel niet, Psal.75,3.Waer voor dat moeten comen, Alle wercken alhier gheschiet Der boosen ende vromen. Eccles.8,8.Dat ghy moet sterven, doch ghedinckt, En voor Christo verclaren, Daer door wordt oock int hert ontfinckt Gods vreese te bewaren. Iob,1,8.En dat ghy soo vermijdt het quaet, En tot goed-doen meucht spoeden, Lief kindt dit is des Heeren raet, Wilt synen wil bevroeden. Matt.7,14Recht tredende int Christen padt, Met rechter Godes vresen, Apoc.21,2.Hy leydt boven in s'Hemels stadt, Daer groote vreuchd' sal wesen. Staet doch hier nae nu alle tijdt, Baruc.3,34Met vreesen en met beven, Soo sult ghy hier ghebenedijdt Zijn, en daer eeuwich leven.
Cookies on Poetry Cove