Op de wyse: De Nachtegael die sanck een Liedt, dat leerde ick, etc. Psal.1,3.ALs bloemen die nu staen aen Sions watercant, In 'sHeeren hof met syner rechterhandt gheplant, Laet ons so vruchten geven // int leven, Bequaem en goet seer vailliant, Soo men claer vindt beschreven. Een goet Boom staet gewortelt om te draghen 'tlast, Rom.11,16.Soo moet een goet Mensch oock zijn in sijn sinnen vast, Hebr.4,12.Gegrondt nu door vruchtbaerheyt // in waerheyt, Die Godt wel kent en daer op past, Weet der ghedachten claerheyt. Iob,8,11.Fijn vochtich moet een goet Boom oock, hier zijn ghestelt, Ioan.15,6.Also een goet mensch met Gods ghenade verselt
'Tis 'tgen' dat hem int groeyen // doet spoeyen Hy brenght anders gheen vrucht vermelt, Maer verdort, voor sijn bloeyen. Kennen salmen eenen goeden Boom onghestoort, Als hy met al sijnen tacken brenght vruchten voort Den goeden Mensch ghepresen // aen desen,Colos.1,10. Dat al sijn leden soo't behoort, Dienen den Heer met vresen. En dat de Mensch int herte synen Godt bemint,Deut.6,2. En met den mondt ghebenedijt, als sijn lief kint,Psal.5,17. Om soo Gods woordt te hooren // die oorenActor.11,28 Neyghen, die handen, wel ghesintProv.31,20 Tot den Armen vercooren. Waer die Boomen van vruchten zijn neder ghevoeght, Dats 'tghene dat des menschen herte hier verhoeght, Soo doet Godt alle daghen // behaghen Een vroom hert dat hem neder voeght, En een ghemoet verslaghen.Psal.51,19. En boomen die schoon bloeyen ende riecken wel, Sijn goet: also die menschen die nu even snel Hebben den goeden wille // en stille,Luc.2,14. Devotelijck nae Gods bevel, Leven sonder gheschille. Rechten reuck geeft die bloem van eenen goeden boom, Also die woorden oock hier van den Menschen vroom,1.Pet.4,11 Gods woorden onbesweken // sy spreken,Ioan.3,34. Haer tongh houdense in den toomIaco.1,26. Verhelen die ghebreken. Noch brenght een goet Boom soete vruchten wel bereyt,
1.Cor.16,14Also een goet mensch, wercken der barmherticheyt Lieflijck zijn al sijn daden // en raden, Woorden en wercken met bescheyt, Sijn ganghen ende paden. marc.11,21.En Boomen die dus niet en draghen in haer tijdt Psal.55,24.Die worden van den Heere dan vermaledijdt, Psal.49.Dees vreuchd' wort haer voor oogen // ontogen Haer vrienden, maghen, gaense quijt, T'verlaet heeft haer bedrooghen. Mat.13,49Ras worden sy oock afghehouwen met der spoet, Mat.25,32Van het lieve gheselschap der heylighen goet, Van hope vroech oft spade // ghenade Te verwerpen, oft tijdt tot boet, Haer deel valt in het quade. Sien en sullense nemmermeer Gods aenghesicht, Mat.25,42.So worden sy afgehouwen, hoort dit bericht, Weest vermaent door dit singen // dees dingen Neemt ter herten, wordt soo ghesticht, Om goe vruchten te bringhen.
Cookies on Poetry Cove