Op de wyse: Als de Heer verkeeren wou. Ootmoedich ghepresen // Geern arm te wesen 'Tcruys draghen ghelijck, Gerechticheyt goedich, dus soeckende spoedich Soo vindt men Gods Rijck.
SOet en lieflijck is Gods Rijck, Heerlijck tot onser vroomen, Die dat begeeren al ghelijck, Nemen daer toe nu haren wijck, Men macht nu wel becomen. Over al en vindtment niet, Maer in sekere steden, Soo ons dat die Schriftuyre aenbiet, Vroet is hy die't alsoo aensiet, Nae Iesu Christi reden.
En die alsoo doen ghewelt,Matt.11,12. Die sullen dat oock vinden, Hoort toe waer het nu is ghestelt, Diep, so ons de Schriftuyr vermelt, Onbekent voor de blinden. Tot verneeren aldermeestMatt.18,3. Moet men hem nu vervoogen, Wil men hier namaels onbevreest, Door den goeden heylighen Gheest Int Rijck Gods verhooghen. Ghy cleyne vernederde schaer, En wilt doch nu niet vresen, 'Tis den wille van uwen Vaer, V te geven het Rijck voorwaer,Luce.12,32. Seyt Christus hoogh ghepresen. En daerom wat ghy bestaet, Laet dat nederich toonen, 'Tzijn woorden,Tobie,4,10 wercken, oft u daet Gedachten des lichaems cieraet, Wilt ghy int Rijck Gods woonen. Naer desen 'tRijck Gods oock leyt Subtijl in die armoede, Wel hoort haer toe die salicheyt, Die Armen gheestelijck bereyt,Matth 5,2. 'Tsal haer comen te goede.Luce,6,20. Des Rijcx stifter noyt en was, Rijck nochte overvloedich, Noyt en sach men hem soo te pas, Christus de Heer die ons ghenas,Luce.9,18. Was arm en seer ootmoedichmatt.11,29. En dees armoede perfeckt, Die moet zijn recht genegen, Maer wie int1.Tim.6,9. begeeren noch steckt, Om Rijck te worden, hem gebreckt, D'armoe, en staet hem tegen. Rechtveerdich zijnde alleyn,Matt.5,10 En vervolgingh te lyden, Daer in soo vindt men oock ghemeyn, Het Rijcke Gods, acht dit niet cleyn, Wilt ghy met hem verblyden. Rypelijck wilt u beraen,matt.16,24. Het cruys willich te dragen, So sult ghy in het Rijck Gods gaen, Het hoort u toe, nae Schrifts vermaen, So Christus doet gewagen.
1.Cor.14,20Ick segh deuchtlijcke cracht, En daedt, so is ghelegen, Het Rijcke Gods met syner macht, Soect dit daer in dach ende nacht, Tot dat ghy't hebt vercreghen. Rom.14,17.Kent het en is spijs noch dranck, Gherechticheyt is 'tmeeste, Dat Godt behaeght int leven lanc, Vreed' en blyschap, hoort desen sanck, Nu in den heyl'ghen Gheeste. Seer beminde in den Heer, Mat.6,33.Ick laet u hier met groeten, Soeckt hier in't Rijck Gods even seer, Men vindt het anders nimmermeer, Wy't aldaer soecken moeten.
Cookies on Poetry Cove