Op de wyse: Ghy Christen aenhoort dit cleyn vermaen, etc. Luce,7,38.MEt Maria laet ons ghespoet Den Heere nu vallen te voet, Op dat Matth.5,4wy oock erlangen, Den Goddelijcken troost seer soet, Dennen sy heeft ontfanghen. Luce,7,38.Alsoo Maria wel ghesticht, Ioan.4,32.Den Heere brocht een soet ghericht, Sijn herte te vermaken, Beter als Symon deed' ondicht, Soo laet ons tot hem naken. Luce,7,37.Recht heeftse haer zondich bekent, En haer metter herten gewent, Tot Christum wel beraden, Op datse duer sijn goetheyt jent Mocht comen tot ghenaden. Luce,7,38.Iammerlijck, becommert, bedroeft, Was sy, als een die troost behoeft, Ons dennen te becomen So heeftse doenmaels onvertoeft, Haer vlucht tot hem ghenomen. Luce,7,38.Gheheel beschaemt sy achter stont, Door zond' die sy van herten gront Gevoelde, met veel rouwen, Och datmen dit oock by ons vont, Godt soud' ons ooc aenschouwen. Luce,7,38.En datse seer vernedert was, Bewees sy, doense haer seer ras,
Tot 'sHeeren voeten leyde, Daer met sy doenmaels op dat pas Van allen hoochmoet scheyde. Iae sy wiesch die met herten leyt,Luce,7,39. Met herten tranen, wel bereyt Sijn goetheyt te genieten, Dat hy sijn genaed met bescheyt Oock over haer moch gieten. Als sy waren ghewasschen claer,Luce,7,39. Droochden sy die met haren hayr, Iae om beter te leven, Dan sy geleeft had voor en naer Woud' sy haer nu begheven. Noch bewees sy oock tot dier tijdt,Luce,7,39. Liefde uyt 'therten gront met vlijt, Want sy custe zijn voeten, Seer lieffelijck des seker zijt, Wy oock alsoo doen moeten. Sy salfde oock sijn voeten wel,Luce,7,39. 'Twas datse in al haer bestel, Devotelijck woud' leven, En hem na sijn heylich bevel, Dienen en vast aencleven. Met dien ontfinck sy den troost fijn, V zonden u vergeven zijn, Daer vercreech syLuce,7,48. een vreuchde, Al wast den Pharisee een pijn, Christus haer 'thert verheuchde. Oock seyde hy tot haer beleeft, V gheloof u geholpen heeft, Gaet nu heenenLuce,7,48. met vreden, Alsulcken troost hy ons noch geeft, Waert dat wy oock so deden. Ey werckt dit in ons lieve Heer, Sterckt ons 'tgheloove altijt meer,Luce,17,5. Vwe goetheyt te soecken, Ons te bereyden neerstich seer Wijsselijck als die cloecken.Mat.25,4. Idel sorgh die ons (Heer) hanght aen,Phil.4,6. Neemt wech, en leert ons recht verstaen,1.Petr.5,7. Wat wy moeten besorghen, en uytrechten,matt.24,42 want wy voortaen En weten genen morgen. En daerom biedt ons doch u handt,
Mat.6,33.En gheeft ons nu een recht verstant, Apoc.21,1.V rijck te soecken schoone, Op dat wy int Apoc.2,11.hemelsche landt, Erven des levens Croone.
Cookies on Poetry Cove