Op de wyse: Christen Kerck weest wel ghemoet. Apoc.21,3VOOR al laet ons bedencken dat, Ezech.43,3Hoe dat wy nu in Godes stadt Goetwillich moeten treden, 'T is die geen die de Engel mat 1.Tim.3,15.Van Godt ghedaelt beneden. Petr.2,9.Dit is Gods ghemeente alleyn, Apoc.14,8.'Tvolck Gods 'tvercooren hoopken cleyn, Matt.9,35Babel moet men verlaten, Met allen zonden int ghemeyn, Het eyghen leven haten. Matt.7,13.In dringen soo deur d'enghe poort, Ioan.3,3.Staen neerstich na die nieu gheboort,
Stellen wy soo ons voeten, Om in te treden soo't behoort, Wy neerstich toesien moeten. En onderhouden 'tborgers recht,Mat.25,21. Elck een moet daer als een cloeck knecht,Psalm 29,2 Den Godt des Hemels eeren, En soo sal daer in Godt niet slecht, Alle goeden vermeeren. VRIENDEN wilt die saeck recht verstaen,Ephes.1,3. Men moet binnen 'sstadts muyren gaen,Apoc.21,14. Daer buyten niet spanceren,Apoc.22,15 Alleyn wat Godt geern heeft ghedaen,Actor.5,19. Moet men obedieren. Iae elck Burger nae sijn doen daer,Ephes.2,18. Moet hebben een wesen eerbaer,Rom.13,13. Soo in die Stadt des Heeren,Matt.5,16. Met woorden en met wercken claer, Nae Gods heylich begeeren. Niet onbewatert t'genen ty,Apoc.22,2. Gods Rivieren stroomen daer vry,Deut.32. Hier bloeyt Gods Woordt aendachtich, Dit maeckt ons die ghemoeden bly,matt.11,29. En ververscht ons heel crachtich.Phil.1,27. T'onser rusten is sy ghestelt, Vant woelen in des weerelts velt Daer van moeten wy vieren, Met eendracht soo die Schrift vermelt, En Christlijcken manieren. Gheensins hier om den teghenspoet, Vercleynen, noch om't tijdtlijck goet, Verheffen wilt dit vaten,Luce,14,11. Viercantich dese Stadt staen moet,Apoc.22,15 Ghemuyrt in goeder maten. Op dat men niet en word' verrast,matt.24,39. Soo moet men waken wel ghepast, Teghen der Stadt vyanden,
Die ons nu gaen bespieden vast, Het zijn zonden en schanden. Ps.119,62.En waken daerom 'snachts met vlijt, Psal.96,2.Dat Gods naem wordt' ghebenedijdt, Deut.7,21.Den grooten Godt hier boven, Dien moeten wy tot aller tijdt, Heerlijck met wercken loven. Apoc.21,27.Yae reyn moet dees Stadt zijn bewaert, Iud.14.Die Coninck is nu op die vaert, Wie weet hy sal haest comen, 1.Cor.6,10.Niet onreyns en sal ('tdient verclaert) 1.Thes.4,17By hem zijn opghenomen. Luce,21,24.Loopt na dees Stadt die zijt bevreest, Voor 'swerelts droefheyt met tempeest, Hier in wordt ghy behouwen, Esai.40,8.Alst u al wordt ontnomen meest, Dat u ooghen aenschouwen. Apoc.3,1.Ach niemant hem doch en verlaet, 1.Cor.11,28Op den blooten naem sonder daet, Elck moet sijn saeck beproeven, En verbeteren synen staet, Of hy sal hem bedroeven. Rom.6,19.Nu wy hier toe begheven zijn, Soo wilt doch Heer ons leven fijn, Daer nae stieren goedadich, Om anderen bedreven schijn, Weest onser doch ghenadich. Luce,16,10.Trouw te zijn gheeft ons t'uwer eer, Wilt ons verstercken altijt meer, Door uwen Gheest te samen, En laet dit doch, o lieve Heer, Door Christum worden, Amen.
Cookies on Poetry Cove