op de wyse van den 100. Psalm: Ghy volckeren des, etc.
'TIs tijdt dat men te rusten gaet,
Luce,24,28Den dach is heen // het wordt nu laet,
Laet ons wel overlegghen gaen,
Wat wy heden hebben ghedaen.
ANders niet en hebben betracht,
Dan nu den wille Gods volbracht,
Met woorden ende wercken fijn
Ephes.2,9.Daer toe dat wy gheschapen sijn
NEen wy, o Heer, het dient verhaelt,
Wy hebben daer in seer ghefaelt,
Matt.6,12.Vergheeft het ons, o lieve Heer,
Luce,11,4.Dat is onses herten begeer.
Ioan.15,6.Kent dat wy zijn van cleyner macht
Psal 86,2.Bewaert ons doch in deser nacht,
Gen.3,1.Nu voor des vyandts listicheyt,
Daer met hy de Menschen verleyt.
matt.18,20.Pooght u by ons te zijn met lust,
En gheeft ons Godtsalighe rust,
2.Petr.1,6Matich te zijn in ons bedrijf,
Apoc.14,5.En onbevleckt aen ziel en lijf,
2.Ioan.1,4.AVondt ist nu, verlicht ons claer,
Ephes.1,18.Inwendich int herte te gaer,
Dat wy deur de duysternis groot,
Niet en ontslapen in den doodt.
En soo ghy nu d'Aerde bedeckt,
Met duysternis sy overtreckt,
Soo wilt oock onse zonden quaet,
Bedecken, en all' ons misdaet.
Laet ons zijn (lieve Heere) soetPsalm.91,1
Onder u bescherminghe goet,
En u goede Enghelsche schaer,
Moet onser doch nu nemen waer.
Soo laet ons Heere rusten stil
En desen nacht nae uwen wil,
Nu deurbringhen alst u behaeght
Amen, Godt voor ons sorghe draeght.