Op de wyse: Ick hebbe ghesien den tijt, etc. MEIN hert en mijn ghemoet Doe ick Heer tot u keeren Door uwenIoan.14.26. Gheeste soet, Wilt my wysen en leeren, Dat ick tot uwer eeren, Mijn tijdt verslyten mach, Naer uws herten begeeren In mynen ouden dach.
Sap.12,13.SCHIckt mijn doen nu voortaen, Ghy kent mijn swack vermogen, Ick wil u hangen aen, Tot ghy my sult verhoghen, En my u hulp toevogen, Die niemant wort ontseyt, Die sy soeckt onbedroghen, Met lijdtsaemheyt verbeyt. Psal.9,19.Hoe soudt ghy lieve Heer, My nu moghen verlaten, Nu in mijn oudtheyt teer? Ghy die my quaemt te baten, Wt rechter charitaten, Door Christum u lief kint Sijn woort liet ghy my vaten, Hebt my doe seer bemint. Psal.71,6.En van mijns Moeders lijf, Hebt ghy my wel beraden, In alle mijn bedrijf: Nu uyt louter ghenaden O Heer wilt niet versmaden, My in mijn ouderdom, Houdt my recht op u paden, Het com hier hoe het com. Reyn laet mijn lippen zijn, Dat sy u moghen loven, Dancken en prysen fijn In u schoone voorhoven, Psal.63,4.Dat ick niet word' verschoven, Heer, by u lief ghetal, Int Hemelrijck daer boven, Daer men verblyden sal. Psal.71,3.Maer weest doch Heer mijn slot, Mijn vaste borgh ghepresen, Mijn beschermende Godt, Mijn versorger in desen, Mijn toevlucht wilt doch wesen, Als ick my vind' benout, Ghy condt mijn ziel ghenesen, En troosten menichfout. En daerom wil ick u Al mijn saken bevelen, In uwen handen nu, Ephes.5,19.En in mijn herte quelen, Eenen Lofsanck te spelen, Col.3,16.Om 'tghen' dat ghy my doet, En rijcklijck gaet met delen, Wt uwer overvloet.
Salicheyt, eer en macht Zijn billijck uwe namen, Het Rijck en oockMatt.6,13. de cracht, Behoort u toe te samen, Elck een moet seggen: Amen, Dat ghy des weerdich zijt, Belyden na 'tbetamen, V Godt ghebenedijdt.
Cookies on Poetry Cove