Op de wyse: vande 10.Geboden: Heft op u hert, opent u ooren. Psalm 86,1ALsoo ick Heer ben vol ellenden Iob,7,1.Daghelijcx in mijns leven strijt Soo wilt my uwen troost doch senden Daer mede my ghebenedijdt. Psalm 18,3.Nu ghy soo over my laet comen, Dat ick niet ontvlieden en mach,
Mijn toevlucht dient tot u ghenomen, V hulp te soecken nacht en dach. Naeckt u tot my keert dit int goede Heer nu ick ben seer bedroeft,Psal.94,19 Want ick en ben niet wel te moede, Mijn ziele seer wel troost behoeft. En wat sal ick nu segghen Heere Bevanghen tusschen anghst en nootSusann.22. Verlost my tot uwes Naems eere, In dees uyre van den aenstoot. Komen ben ick in dese stonde Op dat ick sou redelijck wel, Vernedert worden uyt den grondeMat.11,19 En dan van u vertroost seer snel. En ick verlost u soude prysen, Iae heerlijck maken uwen Naem Dancken en loven met jolysen, Van herten gront nae mijn betaem. Naer u goetheyt moet ick believen My t'ontlossen soo't u behaecht, Want wat ben ick? wilt u gherieven Wat vermach doch u arm dienstmaecht. Loop ick schoon waer sal ick doch henen, Sonder u (Heer) gheeft my ghedult, En wilt my u gonste verleenen Ghy soo mijn vrees verdryven sult.Matt.6,10 Och wat sal ick segghen ter saken, Heer nu gheschiede uwen wil, Ick heb verdient, ghy meucht het maken, Met my, ick wil u houden stil. Verduldelijck moet het gheschieden,Mat.8,24. Tot het onweder over gaet Wilt lief Heer den windt soo ghebieden 'Tschoon weer my te verwachten staet. Voor al zijt ghy machtich in dadenDeut.10,17. Ghy kondt wech nemen mijn verdriet,
Mat.11.28Daer met ick swaerlijck ben beladen En makent gantschelijck tot niet. 2.Cor.1,3.En kondt my troosten daer beneven, Dit hebt ghy menichmael ghedaen, Door u troostlijcke handt verheven, Die my troostlijcke plach by te staen. Noch can u handt al dinck verkeeren, Het valt u licht alst my dunckt swaer, Psal.19,15.Weest ghy mijn helper Heer der Heeren, Almachtich Godt mijn lieve vaer.
Cookies on Poetry Cove