Op de wijse: Aendachtich, wijs en wel ghemoedt. GEnade ende vrede soet,Rom.1,7. Com' u van Godt den Vader goet1.Cor.1,2. Om te verstercken u ghemoet, Vyerich tot der deucht, Op dat ghy soo in2.Petr.1,5. sijn behoet, Wandelen meucht. Recht end' slecht van jonckheyt aen, Meucht treden op de smalle baen, Alsoo Christus is voorghegaen, Nae sijnsMat.7,13. Vaders wil, En dat ghy u na sijn vermaen4.Esd.7,7. Meucht houden stil. 'Tzijn Gods gheboden over al, Dat men hem gantsch liefhebben sal,Deut.6,5. Van herten, in dit aerdtsche dal,Luc.10,27. Om sijn daden schoon, En sijn wercken sonder ghetal, Gheschiet ydoon. Gheensins moet van u zijn beleeft, Dat ons de Heer verboden heeft, Wie sijn gheboden teghenstreeft, En acht daer op niet, Die wordt, daermenMatt.18,9. met pynen heeft, Gheworpen siet.Marc.9,43. En daerom doet wat Godt begheert, V Vader ende Moeder eert,Exo.20,12. Dit neerstich onderhouden leert,Deut.6,16. Want 'tis Gods bevel, Soo wort ghy rijckelijckLuc.18,20. vermeert, In u bestel.Ephes.6,2. De kinderen der wijsheyt zijn,Syr.3,1.
Een schoon vergaderinghe fijn Der gherechtighen, haren schijn, Also ghehoorsaem, Is haer vreuchd' in liefde divijn, Gheheel bequaem. Syr.3,2.Also doet nu naer 'sHeeren woort, De stem van uwen Ouders hoort En dat volbrenght met goet accoort, Als dan soo sult ghy, Behouden blyven onghestoort, Van schaden vry. Syr.3.Recht ontfanght hy goet loon voorwaer, Die hem dient en eert synen Vaer, Hem sullen syne zonden swaer, Nu oock in dees tijt, Vergheven worden allegaer, Ghescholden quijt. Syr.3,17.Die sijn Moeder eert, dit versint, Is ghelijck die eenen schat wint, Wie den Vader eert, diens lief kint, Sal hem maken vroo, Als hy bidt sal hem Godt bemint Verhooren soo. Ephes.6,2.En die den Vader eert vry vranck, Deut.27,16Die sal hier hebben 'tleven lanck, Die ghehoor gheeft na desen sanck, Verblijdt goedertier, Sijn Moeder, gaet doch desen ganck, Met daden fier. Liev' kindt, vreest ghy doch nu den Heer Gheeft Godt en den Ouders haer eer Met woorden en met wercken meer, Neemt waer haer outheyt, Bedroeftse niet, Tob.14,19.'tis mijn begeer, Nae dit bescheyt. Ist dat dan haer verstandt vergaet, So hebt een med'lydich beraet, Gheensins haer doch niet en versmaet, In al uwe cracht, Sy hebben u door 'sHeeren daet, Dus verr' ghebracht. Niet en sal blyven ongheloont, Het goet dat ghy hier hebt ghetoont
Aen uwe Ouders onghehoont, In Gods Oordeel rondt, Sult ghy daerom worden verschoont Tot deser stondt. Ghy jonghe spruyt die ick bemin, Vaet dit doch vast in uwen zin, Het sal u gheven groot ghewin, In het Hemelrijck, Sult ghy worden ghelaten in, Seer blydelijck. Soo ghy dit aenneemt en behout, Van uwer jeucht tot ghy wordt out, Ia dit gaet soecken boven 'tgout, Soo wordt ghy verheucht, En sult als d'ander zijn benout, Springhen van vreucht.
Cookies on Poetry Cove