Op de wyse: Van Hendrick Verstralen. Ofte, Swinters Somers even groen. ALs ick lach in mijn ghedachten, En verheucht in mijn ghemoet, Wiste dat ghy soudt verwachten Van my een lieflijcke groet, So heb ickt niet connen laten, V dit Liedt te dichten saen, Dat ghy't soudt in goeder maten Neerstich overlegghen gaen. Voor een vriendelijcke groete Rom.1,7.Wensche ick u Godes vre, Dat ghy meucht als een devote Neerstich zijn naer d'oude ze, Doe ghy uyt Babel zijt comen, En die waerheyt hebt bekent, Luc.15,20.Voor Godts kindt zijt opghenomen Ephes.4,1.Int Hemelsche regiment. 2 Cor.5,9.Cloeck weest doch in u beroopen, Matt.7,13.En bewijst u neerstelijck, 4.Esdr.7,7.Om die baen te recht te loopen, Tot ghy comt 2.Petr.3,2.int Hemelrijck, Wilt tot geener zyden wijcken, 2 Cor.3,8.Om 'tgen' dat hier voor u staet, Matth.7,7.Want het sal t'samen verblijcken, Luc.18,1.Ia so als die roock vergaet.
Kennen wilt u selven leeren, Dat een mensch weynich vermach, Daerom bidt den Heer der Heeren Claeght hem u noodt nacht en dach, Dat hy u te hulpen come, In u swackheyt aldermeest, En u gheef tot uwer vrome, Synen goeden heylighen Gheest. Aen hem en wilt niet vertsaghen, Maer u hope in hem stelt,1.Petr.1,13. Door hem cont ghy't al verdraghen, Waer med' dat ghy wordt ghequelt, Die Helmet wilt doch bewaren, En het PansierEphes.6,17. oock hier by, Recht te doen sonder beswaren,1.Thess.5,8. So sult ghy dan wesen vry. En wilt oock doch niet vergeten,Ephes.6,16. Te behouden vast het Schildt, Vant' Geloove, so wy weten, In Christo den Heere mildt,Rom.5,1. Die ons maeckt gherecht van zonden,Ephes.2,12. Neemt den vyandt sijn ghewelt,1.Petr.5,8. Wordt hier in heel vast bevonden,Colos.3,14. Hoe de vyandt tiert oft schelt.Ioan.13,34. Liefde is den bandt vol trouwen,Ehpes.6,17. Die een Christen hebben moet, Om 'tgheweer by een te houwen Daer naer volght het zweert Gods goet: Dat neemt stadich in u handen, Tis des Heeren weerde woordt, Die en comen niet tot schanden, Die'volbrengen soo't behoort.Matt.7,14 Eenen goeden loop wilt loopen2.Tim.4,7. Aen u voeten wel gerust, Dewijl' dat de deurEphes.6,15. staet open, Eer het licht werdt uytgheblust,Luc.13,23. Dat ghy met den dwase MaeghdenMat.23,11. Niet en soudt comen te spa, Ten hielp haer niet wat sy claeghden, Sy ontfinghen gheen ghena. Finis is ghemeen het ende,
Eer dat ick dat nu besluyt, So groet ick als d'onbekende, V Lief, en u lieve spruyt, Godt de Heer wil haer gheven, Rom.1,7.Sijn ghenad' tot aller stont, Op dat sy moghen beleven Dat haer van my wordt ghegont. Zijt den Heer van ons bevolen, Ephes.6,19Bidt voor ons, dats mijn begeer, Dat wy moghen onverholen Neerstich zijn in Christi leer, En die so moghen verbreyden Met woorden en wercken fijn, En ons te samen bereyden Te comen voor Godts aenschijn.
Cookies on Poetry Cove