Op de wyse: Gheeft my te drincken nae mynen dorst. HEt is tijdt datmen vroech begintEccles.1.* Den Heere van herten te vreesen En in sijn jeuchde dat verzint, Te worden Gods kindt nieuw verresenCol.3,1. Ghelucksalich is hy in desen, Die soo jeuchdich nu wordt verplant
Wt het weerelts ongodtlijk wesen, In het schoon heerlijck Hemels Landt. Tit.2,16.Neerstelijck moet men zijn by ty Te verplanten die jonghe boomen Soo wassen en wortelen sy, Om totter vruchtbaerheyt te comen Och mochten wy nu uytghenomen, Ephes.3,17.Door liefde soo ghewortelt zijn Om vrucht te brenghen sonder schromen, mat.3, en 7.Bevrijt van des afhouwens pijn. RIICKlijck wort de mensch oock gheleert En crijcht ghewoonte in het goede Die hem jeuchdich tot Godt bekeert, En vroech begin met goeden moede Gal.5,16.Dat hy hem soo jeuchdelijck spoede En leert het vleesch zijn onderdaen Matt.7,14.Den Gheest en wandelt als die vroede, Ghestadich op die smalle baen. THIs een deuchde ter salicheyt Te recht schickt de mensche sijn leven Die hem soo jeuchdich maeckt bereyt, En hem tot goetdoen gaet begheven Eccles.1.*Wie jonck Godt vreest 'tsal hem aencleven, Hy denckt steets op den lesten staet Eccles.7,39Dat die doodt dan comt fel met beven Daerom hy't zondighen verlaet. EN wie van jonghs hem tot Godt keert Die besteedt wel sijns levens daghen 'Tis 'tgeen dat Godt van ons begeert, matt.3. en 7.Dat wy altijt goe vruchten draghen Ionk zijnde, hoort na dit ghewaghen, En soo volghens ons' leven lanck Altijt na sijn goetwelbehaghen Doorbrenghen, hem tot lof en danck. AERDelijck moetmen dit verstaen Die haer soo vroech tot Godt bekeeren
En soo volghens daer in voort gaen, Sullen versekert zijn met eerenMatth.25. Dat sy in die vreuchde des Heeren Sullen worden ghelaten in Daer vreucht en blyschap sal vermeeren, Denckt altijt op dit groot ghewin. TSamen laet ons bedencken wel Soo wy hier toe nu niet en comenMatt.3,10. Wy worden afghehouwen snel,Matt.7,19. Ghelijck quade onvruchtbaer boomen Int vyer gheworpen, int verdomen Ghescheyden van dat lief ghetalMatt.13,30. Aller heylighen ende vroomen.Mat.25,31. D'welck hem eeuwich verblyden sal. DOCH hier op al te samen let Vliet vander weerelt onbesweken Want sy is in boosheyt gheset,Iohan.5,17. En is met helschen vuyr ontsteken 'Tdient vroech by tijts van haer gheweken, Wie niet met haer en wil vergaen Maer geen tongh' en cant uytghespreken Die vreuchde die d'ander ontfaen. TER rechter handt in 'sHemels ThroonMat.25,33 Salse Christus de Heere wysen En gheven haer des levens croon,4.Esdr.2,7. Daer in sy sullen verjolysen, Al die met hem nu recht verrysenCol.3,1. Van d'oud' int nieuwe leven jent Hy sal die trouwe knechten prysen,matt.25,21. En heten gaen in 'sHemels Tent.
Cookies on Poetry Cove