Op de wyse: Waeckt op, waeckt op 'tis meer dan tijdt. COrtlijck besonnen wel bedacht,1.Tim.4,8. Dien ick my te begheven, begheven, My te schicken met aldermacht, Naer een Godtsalich leven, leven. Richtich met ziele en met lijf, V nu te dienen Heere, Heere,Matt.4,10 In al mijn leven en bedrijf, Alleen tot uws Naems eere, eere. Ick nu daer toe gheschapen bin,1.Cor.10,32 Van u, en soo vercooren, vercooren,Genes.1,27. Gheeft my dat Heer in mynen zinEphes.1,4. Te doen nae mijn behooren, behooren. Streckt in my 'trecht voornemen goet,Phil 2,13. Alleyn u eer te soecken, soecken,Deut.6,13. En 'tgene dat ick hier doen moet, My daer in te vercloecken, cloecken.1.Thes.5,11. Tot stichtinghe mijns naestens mee, En t'mijnder salicheyde, heyde,Ioan.16,13. Vwen goeden Gheest t'elcker stee, My doch alsoo gheleyde, gheleyde. In al mijn doen laet my den loonMatt.6,13. Hier naemaels doch verhoopen, hoopen, En daer nae mynen loop nu schoon, Wijslijck verduldich loopen, loopen.Hebr.12,1. NA 'tHemelrijck te schicken fijn,Mat.16,24 Mijn verlanghen der maten, maten,Mat.8,34. All' dinghen die op aerden zijn Af segghen en verlaten, verlaten. OPent u handt want dees ghenaePs.145,16.
Phil.2,13.Wordt van u Heer ghenomen, ghenomen, Och laetse my doch vroech en spae Nu mildelijck toecomen, toecomen. Dat ick nu mach trecken te werck, Vwen wil te volbringhen, volbringhen, Actor.1,8.Daer toe wilt my doch maken sterck, Met crachte sonderlinghen, linghen. Matt.5,8.En maeckt doch Heer mijn herte reyn, Dat ick u mach aenschouwen, schouwen, Hebr.10,22.Mijn conscientie ghemeyn, Gherust in al benouwen, benouwen. Hosia,2,16.Recht leyt my totter eensaemheyt Daer ghy wilt met my spreken, spreken, Vleyslijcken troost in lief en leyt, Leert my doch Heer afbreken, breken. Collos.3,2.Betrachten leert doch Heere my, Hier die hemelsche saken, saken, Dat ick mijn ghemoet even bly Nu daer in mach vermaken, maken. Apoc.1,8.En weten dat ghy eeuwich zijt, En ick eeuwich sal blyven, blyven Mat.25,47In vreuchde en in groot jolijt, Dit gaet den moet verstyven, verstyven. 1.Ioan.3,1.En hoe breet dat u liefde is, Mat.22,36Dat ick u mach beminnen, beminnen En om u hooghe macht ghewis Mat.10,28V mach vreesen van binnen, binnen. Ps.119.108Kennen leert my u oordeel recht, Op dat ick blijf ootmoedich, ootmoedich, Matt.11,29.O lieve Heere laet dit slecht, Doch, Amen worden goedich, goedich.
Cookies on Poetry Cove