Op de wyse: Van den 18 Psalm, Ick sal u loven en dienen eendrachtich.
'TIs tijdt dat wy nu neerstelijck op waken,Luce,21,33. Op 'sHeeren comste ons bereyt te meken, Sijn eerste comste hier waerdich t'ontfaen, Want sy is uyt reynder liefden ghedaen, Dat Godes Soon een mensche is ghebooren,Esai.9,5. Om ons te soecken die waren verlooren,Luce,19,10. Tot onsen dienste deur ootmoedicheyt,matt.20,28. Heeft hy den wegh der salicheyt bereyt. Alsulcke daet moeten wy sonderlinghen,Philip.2.7. Ghestadelijck in ons ghedachten bringhen, Op dat men daer deur d'ydel eer veracht, Van deser werelt en al haren pracht, En dat wy mogen hem danckbaerlijck prysen Zonde vermyden en berou bewysen, En dienen hem stadich met lof en danck, Van gantscher herten al ons leven lanck. Noch meer staen ons te bedencken die daden Hoe sijn tweede comst gheschiet met genaden, In onses herten d'inwendich ghemoet, Dese toecomst is lieffelijck en soet, Om dat hy wil in onse herten woonen,Ioan.14,23 Ons te verquicken, met ghenaden croonen, Daerom moet men hem willich open doen,Cant.5,2. En hem ontfanghen met ghemoede coen. NEmen Gods weldaden in ons gedachten, En daer deur al het tijdtlijcke verachten,Hebr.11,25. En nemen soo Christum in ons verstant, Waer toe dat hem sijn Vader heeft ghesant, Onsen wil moeten wy sonder verbeyden, Neerstich tot eender woonstede bereyden,Ioan.15,26. Des heyl'ghen Gheestes, dat hy ons nu leer, Leyd, drijf, en voere nae Godes begeer. KENlijck comt hy ten derden snel genegen, Met eender comst die den mensche staet tegen, 'Tis als hy ons sal comen metter doodt Verschricklijck, bitter en met pynen groot,matt.24,45.
Waeckt ende bidt, seyt Christus reyn en puyre Want ghy en weet doch niet in welcke uyre, Dat de Heere onversiens comen sal, Wy worden verrast hier int aerdtsche dal. Iob,1,21.BLOot en naeckt moeten wy scheyden der maten, Het goet en al wat sichtbaer is verlaten, Apoc.2,21.Wel hem die dan heeft in die vaste stadt, Matt.6,20Voorheen geschickt, en vindt daer eenen schat, Daer hy dan mach op leven ende teeren, En hem van den grooten honger verweeren, Luce,16,24Die hier namels sal in der hellen zijn, Daer al wellust verkeert in groote pijn. Mat.24,30 25,32.Crachtich comt hy ten vierden int aenschouwen, Rom.2,6.In den wolcken om het oordeel te houwen, Ioan.5,29.Over de menschen die hebben gheleeft, Als dan hy elcken loon nae wercken gheeft Die 'tquaet deden worden dan wech gedreven, Maer die 'tgoet deden sullen eeuwich leven Dus laet ons doch neerstelijck metter spoet, Sonder vertreck vrywillich doen het goet. Mat.25,10Keert u tot ons met ghenaden, o Heere, Dat wy ons moghen na u heylsaem leere, Te recht bereyden, nu wy hebben tijdt, En ghy tot onser vromen comen zijt, Op dat als ghy sult comen met verstranghen, Wy uwe comste met vreuchden ontfanghen, 2.petr.3,11.En wy gheschickt worden bevonden schoon Voor u te verschynen in 'sHemels Throon.
Cookies on Poetry Cove