Op de wyse: Waeckt op, waeckt op, 'tis meer, etc. VOOR u ziele doch sorghe draeght, Naer het beeldt Gods gheschapen, geschapen,Eccles.17,5. Ghelijck een cloecke wyse maeghtMat.25,2. Wilt waken, en niet slapen, slapen. MET neersticheyt dient overleyt Waerom nu Godt dit dede, dede, En naer sijn beeldt ons heeft bereyt,Actor.17,27 Deelt ons sijns wesens mede, mede. TE KENnen hy ons daer mee gheeft Dat wy nu met verlanghen, verlangen, Hem sullen lief hebben beleeft,Mat.22,36 En vastelijck aenhanghen, aenhanghen. Claerlijck ons die Schriftuyr vermelt, Dat natuyre moet blijcken, blijcken, Elck Dier tot den synen verseltEccle.13,20 En bemint sijns ghelijcken, ghelijcken. Laet met hem eere aen te doen,Apoc.14,7. Want hy schiep u aendachtich, aendachtich,Eccle.17,1. Veel heerlijcker (wilt dit bevroen) Als ander Dieren crachtich, crachtich. Alsoo is die ziel over 'tLandt Boven die Son seer schoone, schoone, En hooger van des Hemels standt, 'Tfirmament in den throone, throone. En zijn wy Godt dan soo ghelijck Deelachtich van natuyren, natuyren,Acto.17,27. Soo laet ons soecken d'eeuwich Rijck, In Ierusalems muyren, muyren.Apoc.21,2.
Colloss.3,4.Soo wy weten en wel verstaen Als Godt sal openbaren, openbaren, Dat wy oock sullen wel ghedaen In heerlijckheyt verclaren, verclaren. 1.Ioan.3,3.Daer sullen wy hem sien voorwaer Alsoo hy is gheseten, gheseten, In sijn groote heerlijckheyt claer, Luce,22,30.En aen sijn tafel eten, eten. OCH dat wy doch bedochten dat, Hoe souden wy Godt loven, loven, En danckbaer zijn voor desen schat, Den grooten Godt hier boven, boven. TER eeren Heer van uwen Naem Moet al ons doen hier enden, enden, Maeckt ons doch weerdich en bequaem Vwen gheest wilt ons senden, senden.
Cookies on Poetry Cove