Op de wyse: Aenhoort mijn gheclach, O bloeyende Ieucht. DRaegct u doch vroom, O bloeyende jeuchtEccles.6,18 En maeckt u bereyt nu tot der deucht,2.Petr.1,5. Na 'sHeeren woort // soo dat behoort Dewyle ghy meucht. In u ghemoet grijpt doch nu by der handtEccles.7,31. De vreese des Heeren seer playsant,Eccles.37,2. Want hy beleeft, het leven gheeft, En neemt den standt. Voor hem moet ghy wandelen in ootmoetMich.6,9. Met vreesen en beven, wat ghy doet,1.Petr.1,17. 'Tmoet zijn ghedaen // nae sijn vermaen En leere goet. En uwe ooghen die moeten zijn gherichtHebr.12,2. Op Iesum Christum d'eeuwighe licht, Geen ander padt, beneffens dat,Ioan.14,6. Moet ghy gaen dicht. Recht ginck hy voor, wy moeten volghen naer, Hy sit nu by synen lieven Vaer, Ter rechter handt // seer triumphantHebr.1,3. Int lichte claer.1.Tim.6,16.
In dit licht comen alle die perfeckt, 1.Ioan.1,7.Die daer in nu gaen reyn onbevleckt, Maer die gaen mis // in duysternis, Worden begeckt. Als die vrome sullen mat.13,43lichten seer schoon, Dan.13,13.By Godt in den alderhooghsten Throon, Sap.3,7.Int duyster dal // sal 'tquaet ghetal, Mat. 25,24.Hebben den loon. Ioel.13,17.Nu ghy dit weet, en het is u bekent, Soo staet naer een goet ghelucksalich ent V doch vercloeckt // den Heere soeckt, V tot hem went. Ioan.14,17.Seght, lieve Heer, gheeft ons doch uwen Gheest Die ons regier in dit Foreest, Die ons versterck // tot uwen werck Int minst en meest. Dan sullen wy, o Heere, wel bekeert, Alleyn doen het gheen' dat ghy begeert, Al zijn wy grof // noch sal u lof, Worden vermeert. Ier.31,28.Over ons waeckt, O Heer, houdt ghy de wacht, 1.Petr.5,8.De vyandt en slaept dach nochte nacht, Om ons hy gaet // sijn pijlen quaet, Ephes.6,16.Schiet hy met macht. Crachtich vertoont u, Heer, in desen strijt Esai.47,4.Want ghy alleyn ons verlosser zijt, Op u vast staet // ons toeverlaet, Tot aller tijt. Holpt ghy ons niet, wy raeckten nimmer vry, Stondt ghy ons niet met ghenaden by, 2.Cor.2,16.Maer door u cracht // seer hoogh gheacht, Apoc.2.Verwinnen wy. Rom.8,35.Tribulacy noch eenich swaer verdriet En soudne ons moghen scheyden niet, Van u, O Godt // u goede lot, Over ons giet.
Eeuwigen prijs zijt ghy waerdich alleynApoc.4,11. O Godt, die daer woont in een lichte reyn,1.Ti.6,16. Ons seer verlanght // tot ghy ontfanght, Ons al ghemeyn. Ras comt doch, Heer, Luc.12,37 ter rechter tijdt bequaem, En als wy u dan zijn aenghenaem,2.Cor.5,2. Dan haelt ons t'huys // uyt dit ghedruys, O Godt eersaem.
Cookies on Poetry Cove