Op de wyse: Die wil nae't nieuw Ierusalem.
TRoost gheeft my doch o Heere goetMatt.9,2.
Om my te helpen u doch spoet,Psalm.7,2.
Nu in mijn oude dagen Dat ic nu voort aen
wel gemoet, V jock mach willich draghen.matt.11,29.
Reyckt my u handt dat ick voortaen
Matt.7,14Mach blyven op die smalle baen, Also ic heb
begonnen En soo voorsichtich mach voort gaen
Tot dat ick heb verwonnen.
matt.24,13.Ya dat ick mach volstandich zijn
In allen druck, anghst, noot en pijn,
En strijdt op dese erden Daer in sterct my,
O Vader mijn En gheeft my te volherden.
Noch Heer my ten besten bedinckt
2.Cor.1,3.Vwen Godtlijcken troost my schinckt,
Die lieflijck is int wesen Daer mede mijn
herte ontfinckt, Door u goetheyt ghepresen.
Alsoo ghy my van der jonckheyt
Hebt by ghestaen in lief en leyt, Met uwer
hant seer crachtich Also deur u goetheyt verbreyt
Weest mijnder doch ghedachtich.
Tit.1,13.Voor al maeckt mijn gheloof ghesont
Matt.9,2.En mijn betrouwen vast ghegrondt,
Mijn hoop wilt vrolijck maken
Dat ghy (o Heer) tot alderstont
Sorgh' draecht voor al mijn saken.
Tot dat ick com int Hemels Landt
Houdt my ghestadich by der handt, En wil
my so geleyden Dat ick u comste triumphant
Met vreuchen mach verbeyden.
Soo ghy my dus ghebenedijdt
En stadich mijn berader zijt: Soo sal ick u
daer boven, Dancken en prysen t'alder tijdt
Met hert en monde u loven.