Op de wyse: Wie is de Werelt alsoo valsch. Ofte: Het was sich een Margrietekijn. Prov.1,8.MIjn lieve kindt my wel verstaet, En hebt acht op mijn reden, Ick sal u geven goeden raet, V tijt wel te besteden. 2.Cor.4,18.En siet op het verganckelijck niet, Maer dat eeuwigh sal duyren, Want wat men met ooghen aensiet, Vergaet namaels met truyren. Ioan.13,15.Christus exempel voor u stelt, Wilt u daer naer vervoeghen, Mat.11,12.Doet om het Hemelrijck ghewelt, Dat ghy meucht met verhoegen. Apoc.21,1.Het aerdtsche dal seer haest vergaet, 2.Petr.3,13Een nieuwe wy verwachten, Wie't tijdtlijcke niet en versmaet Den salmen daer verachten. Deut.6,12.En wilt vergeten nimmermeer, Ios.24,14.De gheboden des Heeren, Maer gheeft Godt boven al de eer, V Ouders wilt oock eeren. Ephes.6,2.Leeft in de vrees' des Heeren soet, Prov.3,17.Dat hem mishaeght wilt laten, En bereyt doch wel u ghemoet, Dat ghy 'tgheloof meucht vaten. Colos.2,12.Tot dat ghy levende verrijst, 1.joan.2 16.En vliedt des werelts lusten, 2.Petr.1,6.En int gheloove deucht bewijst, En daer niet in doet rusten. Iae wetenschap end' rechte maet, En dat ghy zijt bescheyden, Lijdtsamich na des Heeren raet, Godtsalich int verbeyden. Als ghy dit alsoo hebt ghesmaeckt, Ioan.13,34.Soo sult ghy oock bewysen, De broederlijcke liefde naeckt,
Dat werck staet hoogh te prysen. Noch moet ghy hebben oock hier van Ghemeyn liefde ghepresen, Is dit by u, soo sult ghy dan Hier niet onvruchtbaer wesen. Seer lieflijck wordt u dan vertoont, Den inganck tot den leven, Ghy wordt met ghenaden becroont En namaels seer verheven.Psal.103,4. DOCHTER hier naer werckt alletijt, Als Gods kindt uytvercooren, Wat ghy dan hier van nooden zijt,Rom.8,32. Gheeft Godt u naer tbehooren.
Cookies on Poetry Cove