Op de wyse van den 50. Psalm: Godt die der Goden Heer is, spreecken sal, etc. LAet ons den Heere singhen een nieu Liedt,Psal.98,1. ende 3.33. End' sijn goedt-daden doch vergheten niet, Laet ons hem prysen al van herten gront,Psal.106,1. Die ons helpt, en oock wil maken ghesont, Van zonden reyn, al uyt louter ghenaden, Laet ons condt maecken sijn heerlijcke daden.Psal.95,2. Ey laet ons juychen ende zijn verheucht,Psal.106,1.
Exod.15.En uytverconden al sijn groote deucht: Apoc.21,1.Hy die ons verlost heeft uyt Pharaos handt, En leydt ons nae het nieuw Hemelsche landt, Ephes.2,18Door sijn lief kint, dat hy ons heeft gesonden, 2.Ti.2,26.Die ons van't stric des vyants heeft ontbonden. Niet dat wy souden loopen ongheraemt Ephes.4,1.Maer leven soo als onsen roep betaemt Matth.3.Soo Ioannes de Dooper heeft gheleert, Luce,3,17.Afstaen van zonden, dat was sijn begeert, Marc.1,4.Berou en leet voor onse zonden draghen Die wy deden na des vleesches behaghen. Matt.4,17.Alsoo comt Christus met sijn leere fijn, Mat.1,15.Hy seyt, het leven moet ghebetert zijn, Matt.18,3.En omghekeert, een elck als een cleyn kindt 1.Cor.14,[2]0.In welcken men gheen boosheyt en bevindt: Gal.6,17.Dit noemt Paulus een nieuwe creatuyre, 2.Cor.5,16.Die voor Godt geldt, soo hy ghetuyget puyre. Ioan.20,30.Rijcklijck heeft Christus veel tekens gedaen, Op dat wy dit souden te recht verstaen Esai.1,18.Hoe dat een yeghelijck nu wordt ghesont, Die hem bekeert gheheel van herten gront, 1.Pet.1,13.En stelt in hem oock alle sijn betrouwen, 1.Pet.2,4.Hy is den steen, daer op wy moeten bouwen. Ioan.3,16.'Tleven gheeft hy allen die nu zijn doodt, Esai.53 9.En helpt den crancken uyt al syner noot, Matt.9,28.Den blinden gheeft hy weder het ghesicht, Mar 7,32.Den stommen lost hy, dat sy spreken dicht, Mat.9,32.Den dooven doet hy open hare ooren, Datse sijn stem verstaen, en connen hooren. matt.11,14.Creupelen maeckt hy gaende alsoo ras, Luce,4,23.Hy is de Medicijn die't al ghenas, Luc.17,14.Die onreyn zijn, maeckt hy van herten reyn, Ioan.10,24Soo sy daer wasschen in 'slevens Fonteyn, Geen zond' so groot en mach daer zijn geresen Die Christus niet en can gheheel ghenesen. Mar.1,23.Loopt doch tot hem, ghy die beseten zijt,
Met boose gheesten, wilt ghy zijn verblijt,Luce,4,33. De boos' natuyr hy wel bedwinghen can,Mat.17,21 Datse moet wijcken, ende gaen daer van, Daer sy alle tijdt pleeght te dominieren, Hy mach die herten tot der deuchde stieren. O lieve kinders, weest niet langher slecht, Maer hoort wat Christus Iesus selve segt: Comt al tot my, ghy die daer zijt belaenMat.11,28 Met zonden, en leert doch van my voortaen Ick ben saecht ende van herten ootmoedich, Neemt op mijn Iock, end' leert dit van my spoedich. Claerlijck moeten wy verstaen hier mee,Ephes.2,13. Dat wy door Christum verwerven den vree,Rom.5,6. En met Godt den Vader worden versoont,4.Esd.2,43 En worden bereyt, om te zijn ghecroont,matt.10,20. Ist dat wy't hier aennemen en volheerden, Soo langh als wy hier leven op der eerden. Cleyn is ons macht, noch vermoghen wy't al2.Cor.3,4. Door hem, die ons versterckt in desen val, Hem zy lof, eer, in alle eeuwicheyt: Die ons den wegh des levens heeft bereyt,Ephes.2,17. Ons Prins en Godt, hy helpt ons aen het ende,Mat.6,13. En verlost ons uyt alle ons ellende.
Cookies on Poetry Cove