Op de wyse: Mijn lieve kindt wilt, etc. Ioan.1,13.ALs kinder na 'tbehaghen, Mat.11,29Wt Godt gheboren goet,
Laet ons sijn Iock nu draghen, En in sijn vrese soet Wandelen, t'zijn ghenoeghelijcke dinghen. En licht om te volbringhen, En goet om te verstaen, Godt moetmen sonderlinghen,Psal.66'5. Voor ooghen hebben saen, Die ons can dooden door sijn crachtich wesen.Mat.10,28. Laet ons doch nu tot desen, Aensien der Hellen pijn, Daer wy moestenPsal.9,18. verknesen, Eeuwich in nooden zijn, Die wy verdient hebben met onsen zonden. 'Twaer goet dat wy deurgronden Die clacht die ons na comt, Over ons quaet bevonden, En 'toordeel dat verdomt,Zeph.1,15. En dat wy sien den doot voor onsen ooghen.Eccles.41,1. Het strijden onvermoghenEphes.6,12 Dat ons te handen stoot, Die strijcken uytghetoghen,1.Tim.3,7. Ons ghestelt cleyn en groot, Soo veel alsser wellusten in ons wercken. Inwendich wy bemerckenRom.7,18. Dat wy zijn onvolmaeckt, Dit doet Godts vrees verstercken, Wie dese dinghen smaeckt, Sal hem gewis tot der vreesen Gods keeren. En die sal hem dan leeren, En brenghen groot profijt, Want die vreese des Heeren Maeckt ons der zonden quijt, Wie Godt vreest, die sal goet doen met verlangen. Rechte vrees Gods ontfanghenEccles.1,9. Baert groote danckbaerheyt, Voortgaende inEccles.1,1. haer ganghen, Perfectelijck bereyt,Eccle.2,20 Tot den eeuwighen leven na Gods wille. En die sonder gheschille Godt vreesen nu ter tijdt, Sullen seker en stille, Int oordeel zijn bevrijdt, Vrijmoedich voor Gods rechter-stoel verclaren.Eccle.34,17
In die Hemelsche scharen, Sy ons oock heerlijck maeckt, Dat wy aldaer vergaren, Ia comen recht gheraeckt, Psal.19,10.Sy is reyn, en doet ons eeuwelijck blyven. Tob.4,18.Naer Tobias beschryven, Veel goets comt ons met haer Soo wy door 'sGeests verstyven, Neerstelijck nemen waer, Om recht te doen al ons leven op erden. En die also volherden, Psal.29,11.Sullen ghesegent zijn, Die vreuchde sal haer werden, En die eeuwighe pijn, En sullen sy in eeuwicheyt niet smaken. 1.Cor.15,34Recht laet ons nu opwaken, Nu wy tijt hebben wel, In Gods vrees ons vermaken, En houden sijn bevel, Op dat wy dese vreuchd' moghen ghenieten. Ioel.2,28.Stort en wilt doch uytgieten, Op ons, Heer uwen Geest, Dat wy sonder verdrieten V vreese aldermeest, Kindtlijck in ons herte moghen bewaren.
Cookies on Poetry Cove