Op de wyse: Schout Babel al ghemeyn, ofte: Wilt nu verjubileren etc. IEMINGERS al te samen Rom.1,7.Broeders en Susters vroet, Ick wensche Esai.37,7.u met namen, Godes ghenade goet,
Synen Gheest soet, Wil crachtich in u wercken, En met der spoet, V in der waerheyt stercken.Ioan.14,26 Ick dede my verblyden, Doe ick u eerstmael sach, Dat was in dien tyden,Ann. 1591. den 18. Iunij. Als quam den donder slach, Doe elck schier lach Ter neer, door het vervaren, En 'tgroot ghewach, Als wy vergadert waren. 'Tghene dat my verblyde Was, dat ick had verstaen, Dat ghy aen elcke zyde, Woudt eenvoudich voortgaen, Na Schrifts vermaen, Vreed'lijck in ChristusIoan.14,27 ganghen End' ons ontfaen, Als Broeders met verlanghen. 'Tgheen dat wy u voorgaven, Was Christus 'THemels broot, Om u zieleIoan.6,32. te laven, Tot spijs in hongers noot, D'welck ghy devoot, Willich hebt opghenomen,1.Thes.1,6. Om van den doodt, Tot den leven te comen. Tot een teecken van vreden,Gal.2,9. Gaeft ghy ons handt en mondt, Het welckeRom.17,12 wy oock deden Vyerich tot dier stondt, Hebben 'tverbondt, Bevesticht met verblyden, Nae het oorcondt, Te houden t'allen tyden. Vrienden, laet ons God prysen Om dees heerlijcke daet, End' ons eerlijck bewysen,matt.12,18. Een elck in synen staet,1.Petr.1,6. Houdt rechte maet, In al uwe manieren, Na Christus raet, Wilt al u doen bestieren. Hebt doch al u begeeren,Ioan.6,32. Nae't Hemels broot alleyn, Wilt u daer meeMatt.4,4. gheneeren, Drincken uyt dees Fonteyn,Ioan.7,3. En houdt u reyn,Ioan.15.
Van 'tgheen dat Godt doet haten, Elck groot en cleyn, Wilt dit int herte vaten. Galat.5,1.'Tis tot een nieuwe leven, Ioan.6,37.Dat hy ons spyse gheeft, Waer toe ghy u begeven Hebt, met daden beleeft, Voorwaer hy sneeft Die hem anders laet vinden, Ephes.4,18.En 'tquaet aencleeft, En loopt nu als de blinden. 1.Petr.1,17.Met beven en met vreesen Colloss.3,1.Brenght doch door uwen tijdt, Rom.6,4.Als die ghy nieuw verresen, Rom.12,2Met Christo Iesu zijt, Hebt u jolijt, 1.Ioan.2,15Niet in des weerelts lusten, 'tVergaet subijt 'Tgheen daer sy op doet rusten. 1.Pet.5,8.Weest stadich in de wachte, Ephes.2,13.Hebt op den vyandt acht, Benomen is sijn machte, Colloss.1,13.Door Christus stercke cracht, Maer dach en nacht, Gaet hy met sijn lijmstanghe, Vrienden u wacht, Dat hy u niet en vanghe. Leeft ghy vry sonder smerte, En zijt nu sonder cruys, Soo verhanght matt.22,15.niet u herte Aen acker, hof oft huys, Luc.14,18Met een ghedruys Gaet het seer haest verlooren, 1.Pet.3,10.Wee die confuys, matt.13,22.Gods Woordt daer met versmooren. Mar.4,14.Wilt eenen schat vergaren, Mat.6,20.Die eeuwich duyren sal, Dat ghy meucht openbaren Luce 17.*By Christus lief ghetal, matt.25,34.Als hy met schal, Roept: Comt mijn uytvercooren Mijn Rijck voor al, Dat is voor u te vooren. Ioan.14.Liefde voor alle dinghen Ephes.5,2.Na Christus voorbeelt fijn, Wilt neerstelijck 1.Petr.4,8.volbringhen, En acht dat voor gheen pijn:
Ten ghelt gheen schijn, Sy moet dadelijck blijckenGal.5,6. En vyerich zijnPhil.2,2. By Armen ende Rijcken.1.Pet.3,11. Voor twisten wilt u wachten,Hebr.2,9. Iaeght altijt na den vree, End' u selven cleyn achtenPhil.2,7. Soo Iesus Christus dee, Volght doch sijn zee, Wt al uwen vermogen In 'sHemels steeApoc.21,2. Sult ghy u dan verhooghen. V Namen wilt bedinckenEphes.1,1. Waer mee ghy zijt ghenoemt: Op dat ghyColloss.1,2. oock meucht blincken, Als nu de Heere comtSap.5,1. Seer hoogh beromt, Verciertse doch met daden,Matth.24. Eer ghy verstomt,Gal.5,6. Moet gaen in het versmaden.matt.22,13. Eerbaerlijck wilt u houwen1.Pet.2,11. Onder 'tverkeert geslacht, End' elckanderen bouwen,Matt.5,16. Neerstigher als ghy placht:Eph.4.13. Des weerelts pracht, En laet u niet behaghen,Bar.4,24. 'Themels betracht,Rom.12,2. Den tijdt van uwen daghen.Colloss.3,3. Och mocht u herte vaten, Dat u nu wordt ghegont Van my, in goeder maten Wt mijnes herten gront: Ghy soudt ghesont In Christus liefde blyven,Ioan.15,10. Godt wilse ront Diep in u herte schryven. 'Tmoet nu hier zijn ghescheyden, Van een met den lichaem: Och wilt u doch bereyden,Matt.25,1. Dat wy moghen bequaem, In 'sHeeren Naem, Verschynen in sijn vreuchde:Matth.25,24. Vrienden eersaem, Hebt daer in u gheneuchde. Denckt om de Croon te winnenApoc.2,10. Moet men hier doen ghewelt, Wel hem die't can versinnen, En neerstich daer nae stelt,
Iae als een helt, Alhier in ghenen stucken, matt.14,31.'Tzy wat het gelt, Hem niet en laet verrucken. O Heere, comt ons te baten, Verlaet ons nemmermeer Op u wy ons verlaten, Sterckt ons met uwe leer, V zy de eer, In al ons doen ghegheven, Colos.3,17.Gheeft ons, O Heer, Te samen d'eeuwich leven.
Cookies on Poetry Cove