Op de wyse: van Munster, ofte: Ghy Christen aenhoort dit cleyn vermaen. Matt.7,20FOndeert doch op den grontsteen vast Op dat ghy niet en wort verrast, Wanneer die windt sal comen En 'thuys sal worden aenghetast, Met stercke water-stroomen. 1.Cor.3,11.Eenich is Christus 'tfondament
Wie hem voor den Heylandt bekent, Ghelooft in hem aendachtich En sijn betrouwen tot hem wendt, Die sal bestaen heel crachtich.Galat.5,6. Ya dit gheloof moet hebben daetmatt.16,22. Dat men den eyghen wil verlaet, En soeck na Gods behaghen Christum te volghen waer hy gaet,1.Pet.2,22. Sijn cruys hem helpen draghen. Kenlijck seyt hy te vooren // fijn, Dat men moet nieuw ghebooren // zijn,Iohan.3,3. Als een cleyn kindt om keerenMat.18,3. Hier en helpt geen vercooren schijn, 'Tgheloof moet sulcks beweren. Een gheloof dat vast sal bestaenGalat.5,6. Moet zijn met liefden aen ghedaen, Het werck moet sulcks bewysen 'Tis anders eenen ydelen waen, En voor Godt een afgrysen.2.Cor.13,5. Gronden moet elck een nu by ty Hoedanich sijn gheloove zy,Mat.25,2. Oft sijn lamp oock sal branden Wanneer de Bruydegom comt by, En hyse neemt in handen.matt.22,12. Oock denckt wat men tot dien dan seyt Die ter Bruyloft comt onbereyt? Vrient, hoe zijt ghy in comen Niet hebbende een Bruylofts cleyt, D'antwoort wort hem ontnomen. Ya hy sal daer verstomt staen dan Als een die niet spreken en can, Noch onschult en can maken Versaecht, als een verwonnen man, Droefheyt sal hem ghenaken. En men sal hem daer metter spoet Te samen binden handt en voet,
Smyten hem in der Hellen, Daer hy dan eeuwich blyven moet, Duysternis sal hem quellen. Slaet acht hier op nu al ghelijck, En staet soo na het Hemelrijck D'eeuwighe vreuchd' daer boven, Niemant na d'aertsche om en kijck, Hy wort anders verschoven.
Cookies on Poetry Cove