Op de wijse: Vader ons in Hemelrijck. ALmachtich Godt, O lieve Vaer,Matth.6,8 Wy roepen tot u allegaer, En bidden u van herten gront, Maect doch onse Zielen gesont, En geeft ons het leven voor al, Dat eeuwich by u duyren sal. Raedt ons door uwen heylghen Gheest,Ioan.14.16 Wat u behaeght int minst en 'tmeest, En gheeft ons oock een recht verstandt, Op dat wy 't nemen by der handt En allen Menschelijcken raet, Van ons word' veracht, en versmaet. In het nieuwe Leven ghedicht, Gheeft ons oock (Heer) een claer ghesicht,Ephes.1,18. Dat wy aenmercken, wie ghy zijt, Die ons so hebt gebenedijt, Heerlijck met hetEphes.1,3. Hemelsche goet, Door u genaed' die overvloet.
Alsoo gheeft ons in dit rumoor Matt.13,9.Een inwendich oprecht ghehoor, Dat u Woort in ons hert mach gaen, En dat wy't moghen recht verstaen, Heer, isser noch eenighen stop, Dien doet doch uyt ghenaden op. Marc.7,4.En lost ons tongh in onsen mondt, Luc.11,1.Dat wy oprecht belyden rondt, V trouwe en Marc.7.34.u vrientlijcheyt, Die ghy hebt, Heere, toegeseyt, Den gantschen Mensch'lijcken geslacht D'welck ghy in Christo hebt volbracht. Marc.2,3.Noch alle leden die zijn swack, Versterckt, en alle ongemack, En krancheyt, Heere, doch geneest, Op dat wy mogen onbevreest, En wel ghesont doen uwen wil, Ons leven lanck u houden stil. Rom.6,6.Dat onse zondich lichaem fier, En u cracht al ons wercken stier, En wy soo Tit.2,12.eerlijck leven slecht, Godsalich, en gheheel gerecht, Apoc.1,7.En wachten op die comste schoon van Iesu Christo, uwen Soon. Matt.20,1O Heer, als wy int woeste Velt, Ioan.6.35In u arbeyt hier zijn ghestelt, So gheeft ons het Hemelsche broot, Om ons te spysen in der noot, Op dat het ons te recht versterck Te doen, O Heer, u heylich werck. Van vreuchden worden wy ontsinckt Ioan.4,10.Soo ghy ons dan oock, Heere, schinckt, Esai.55,1.Levende Water, claer en reyn, Vloeyende uyt Ioan.7,38.'slevens Fonteyn, Waer toe ghy ons (een cleyn ghetal) Nu hebt laten beroepen al. Wy verlaten ons, Heer, op u, Daerom ist dat wy singen nu, En loven u uyt onser macht, En prysen u oock met aendacht, Segghen te samen naer 'tbetaem, Ghebenedijt zy uwen Naem.
En hopen dat ghy 't hooren sult, Dus worden wy met vreucht vervult, In onse dagen menichfout, Al is 'taerdtsche lichaem verout, Eensamich nu in desen staet, Op u staet al ons toeverlaet. Slaet onser gade alle tijt, Dat onse reys wordt met jolijt, Voleyndet so alst u behaegt, En dan verschynen onvertsagt, Matt.25.33.Ter rechter handt in s'Hemels throon En ontfanghen 4.Esdr.4.43.des levens Croon.
Cookies on Poetry Cove