op de wyse: Mynen gheest die heeft altijdt verlanghen, etc. Psal.51,12.MIjn God end' Heer, geeft my van boven Eze.16,26.Een reyn hert end' ziel heel ghesont, Ephes.5,20.Om u te dancken en te loven, In mijn leven tot aller stont. En dat nu schoon alle de hayren, Mijns hoofts, seer groot en menichfout
Nu al te samen tonghen waren, End' mochten spreken heerlijck stout. Cleyn ghenoech waert om u te prysen, End' u te dancken dach en nacht, Laet het loven t'uwaerts oprysen, Wt myner herten, met aendacht.Coloss.3,17. Heer, om sulcke weldaet ghepresen,1.Petr.1,3. Aen ons arm kinder seer bemint, Die ghy hebt rijckelijck bewesen,Ephes.1,3. Door Iesum Christum, u lief kint. En noch bewijst tot allen daghen, Aen ons aerdwormkens ende stof,Iob,25,6. Want wy zijn Heer, u te behaghen, Minder dan niet, en veel te grof. Liev' Heer, maect my mijn hert verslagenEsai.27,13. Met David uwen trouwen knecht,Psal.151,19 Dat ick berouw en leet mach draghen,Iac.4,9. Tot ghy my, Heere, troost te recht. 'Tis, Heer, dat ick beclaegh van herten, En my menichmael suchten doet,Psal.6,7. Dat my mijn zonden niet en smerten,Psal.13,5. Vwen troost te begeeren soet. Heer, my doch voor den val behoede,Tob.4,11. Dat ick my mocht verheffen niet,Actor.12,21. Soo Adam deed', als een onvroedeGenes.3,5. Waer door hy quam in groot verdriet. Iae waer deur noch veel menschen comen, Int verderven op desen dach, Heere, bewaert my met den vromen Dat ick wijslijck wandelen mach.Ephes.5,14. Ey lieve Heere uytghenomen, Leert my selve my kennen voort Tot dat ick mach, sonder verschromen,matt.16,24. My gantsch versaken soo t behoort. Neemt Heer van my, dat het soud' hetenEsai.5,21. Dat ick yet ben, en 'tduncken goet,
Maer laet my uyt ghenaden weten 'Tghene dat u behaghen doet. Van u wil ick my bouwen laten Mat.13,20.Neemt ghy u ploech doch by der handt, 'Tis Heer u woordt in goeder maten, Dat nu opbreeckt het harde landt. marc.4,16.Al deur mijn hert laet hem diep werven, Roept uyt doornen en dystels quaet, Alle wortelen die verderven, V Woordt, dat costelijcke zaet. Noch Heer rijdt uyt met uwen eghen, Wat uwen ploech heeft los ghemaeckt, Esai.1,28.En neemt van my, wat u is teghen, matt.13,25.Dat ick door boet com recht gheraeckt. Het oncruyt dat hier heeft ghestanden In mijn hert, Heer, na mijn ghevroon, Laet in der liefden vyer verbranden, Door Iesum Christum uwen Soon. En dat Christus in my mach woonen, Eph.4,13.Een recht ghestalt cryghen aldaer, Psal.51,14.Wilt my met uwen Gheest becroonen, Dat bidd' ick u, O lieve Vaer. Phil.3,1.In u wil ick verjubileeren, Psal.3,1.Mijn Godt, gheeft my doch uwen troost, Esai.64,1.Want ghy zijt groot en goedertieren, Een ontfermer die my verloost. Singht doch met my, ghy Christen scharen, Psal.134,1.Belijdt des Heeren grooten Naem, Het hemels heyr end' sijn dienaren, Looft en danckt hem nu seer bequaem. 'Tis een groot Godt, vol van goetheyden, Lanckmoedich ende vriend'lijck soet, Psal.100,4.Wy zijn de schaepkens syner weyden, Psal.146,1.Mijn ziel hem stadich loven moet.
Cookies on Poetry Cove