op de wyse: Ick ginck eenmael spacieren, etc. MIjn liefste uytvercooren, Die ick beminne seer, Ick wensche u te vooren, Rom.1,7.Ghenade van den Heer, Colloss.1,11.Dat hy u gheve cracht, En ghy, als nieuw verresen, Rom.7,11.Meucht ghehoorsamich wesen, Luce,2,36.Hem dienen dach en nacht. Ioan.3,3.Als een recht nieu ghebooren Mat.18,3.Kindt, dat hem wel behaeght, Te leven, na't 1.cor.14,20behooren, Ghehoorsaem, onvertsaeght, 1.Petr.2,2.Dat uwe leden al, End' alle uwe hanteeren Rom.6,19.Hier zy tot syner eeren Colloss.3,17.Int Aerdtsche jammerdal. Eccles.7,33.En van hoofde te voeten, Ephes.1,18.V lichaem wordt bekeert, Dat u oogen sien moeten, Op 'tgheen dat Godt begeert, Matt.5,8.Also ghestadich voort Den Heere meucht aenschouwen Int herte met betrouwen, Achten wel op sijn woordt. Hebr.10,36.Ia dat ghy meucht volbringen Gods wille onvertsaeght, En spreken ende singen, Ephes.4,29Al wat den Heer behaeght, En Gods woordt is ghelijck, En soo met 2.Petr.1,5.alle reden, En Christelijcken zeden,
Meucht staen na 'tHemelrijck. Kennen met den verstande Iesum Christum alleyn, In daet menigherhande Soecken d'eeuwighe pleyn, En zijn alsoo ghesint, Het hemelsch te betrachtenPhil.2,5. Wt allen uwen crachten,Colloss.3. Als Christus deed' Gods kindt. En dat tot uwen ooren, Niet anders mach in gaen, Dan Godes woordt te vooren, En stelt 'tsoete vermaen, En ghy u wachten meucht, Voor dat u mocht verleyden En van den Heere scheyden, In u jonghe Ieucht. Neemt vyerich in u handen, Altijt des Heeren werck, Oft uwe lampen branden,Mat.25,8 Gheeft doch neerstelijck merck, End' houdt v handen reyn, Van eenige daden, Wijckt altijt van den quaden, Staet na het goet ghemeyn. Beminde, wilt bestieren 'Tlichaem, en des vleesch lust, In Christlijcke manieren, Stelt u te zijn gherust, Bruyckt alle dinck met maet Nae den wille1.Petr.1,6. des Heeren, Soo u sijn woordt gaet leeren En synen Gheest u raet. Op dat ghy vast meucht hopen T'ontgaen d'eeuwich ghequel, Soo wilt gestadich loopen, Met uwen voeten snel,Ephes.6,5. Op Christus smallen padt, Op dat ghy meucht ontfanghen, De Croone met verlangen4.Esd.2,43 Al in de schoone stadt. Slecht moet ghy u becleyden1.Petr.33,3. Met het schoon Bruylofts cleyt, V neerstelijckmatt.22,11. bereyden, Soo de Schriftuyre seyt: GELOOF en HOPE siet, En LIEFDE boven maten,
Wilt in u herte vaten Ten geldt doch anders niet. Gal.5,6.Is dit by u bevonden, Zijt ghy hier in perfeckt, En leeft ghy nae 'toorconden, Soo heylich onbevleckt, End' waeckt ghy soo altijt Tot de Heere sal comen, mat.24,42.Soo sult ghy opghenomen, 1.Thes.4,19End' eeuwich zijn verblijdt. Recht wilt dit doch bedincken, In des Weerelts Foreest, De Heere wil u schincken Synen goedigen Gheest, Esa.61,1.Met sijnen crachten fijn, Dat ghy dat meucht beleven, Esai.37,7.Waer toe ghy u begheven, Hebt met daet ende schijn. Sticht'lijck wilt u bewysen Int nieuwe leven jent, Dat ghy u verjolysen Meucht in des Hemels tent, Och neemt dit doch in danck, Wt liefden ick dit dede, Ick wensche u den vrede Van Godt u leven lanck.
Cookies on Poetry Cove