Op de wyse van den 6. Psalm: Wilt my niet straffen Heere. IN mijn jeuchdelijck leven, 2.Par.1,10.Wilt my lief Heere gheven, V rechte wijsheyt, Soo in mijn jonghe daghen, Naer u goet welbehaghen, Mijn hert maken bereyt. Alsdan soo met verlanghen, Mat.7,13.Recht gaen in uwe ganghen Stadich in den smallen padt, Alhier tot elcker stonden, Luc.18,22.Tot dat ick heb ghevonden Den overgrooten schadt. Nu verborghen der blinden, O Heer mocht ic hem vinden Daer toe geeft my 'tghesicht, Al 'tsichtbaer te verlaten, D'eyghen leven te haten, My doch also verlicht. Niet anders hier beginnen, Dan 'tHemelrijck te winnen, Door u genade goet, Wat my daer toe gepresen, Hier van nooden sal wesen, Vervult uyt liefde soet. En wilt my Heer recht leeren, Wat ick tot uwer eeren, Sal nemen by der handt, En hoe ick nu heel stille,
Sal doen Heer uwen wille, Hier in dit Aerdtsche Landt. Gheen dinck int herte binnen Nemen, nochte beginnen, Dan dat ghy Heer bemint, En daer na met verhoegen Mijn jeugdlijck leven voeghen, Als een ghehoorsaem kint. EN dat ick my mach wachten, Wt alle mynen crachten, Voor dat ghy Heere haet En niet en condt verdraghen, Die werelt te behaghen En wat in haer bestaet.1.Ioan.2,15 GEnoeghelijck voor ooghen, Staet sy: maer heel bedroghen, Is hy dieIacob.4,4. haer lief heeft, V vyandt moet hy wesen, Behoet my doch voor desen, My u ghenade gheeft. Reyn en heylich vercooren, Te leven naer 'tbehooren, Als mynen roep betaemt, Soo ghetuyght de Schriftuyre, Als een nieuw creatuyre, Naer uwen Naem genaemt.Gala.6,15. Recht doch hier toe mijn leden Van boven tot beneden, Buyten en binnen meest, Mijn zinnen en ghedachten O Heer, dit zijn mijn clachten,Ioan.16,13. Stiert my door uwen Gheest. In u sterckt mijn betrouwen, Om mijn huys vast te bouwen, Dat het oockMat.7,24. mach bestaen, Voor alle swaer tempeesten, Winden ende boose gheesten, Die om de Menschen gaen. Toont u goetheyt, o Heere,Psal.70,2. Spoet my te helpen seere, Mijn vermoghen is cleyn Het is op u ghenade, Dat ick my vroech en spade, Gantsch vertrooste alleyn. Sonder u hulpe crachtich, En ben ick gheensins machtich,Phil.4,13. Maer die maeckt ons nu sterck,
Laet my niet gaen te schanden, Houdt my in uwe handen, Bewaert my u handtwerck.
Cookies on Poetry Cove