Op de wyse: van Munster ofte: Van den linden Smidt. Apoc.4,8.ALmachtich Godt in mynen staet My doch nimmermeer en verlaet, Wilt my te helpen comen Op dat ick mijn deel hoe het gaet Mach hebben metten vroomen. Neemt my in u bescherming Heer Ghy weet ick ben u schepsel teer, Gantsch swack sonder vermoghen Sonder u can ick nimmermeer In al mijn doen verhoghen. Mat.14,31.Neemt my u dienstmaecht by der handt En gheeft my wijsheyt en verstandt, Wilt mijn hert sonder beyden Tot uwen dienste valiant, Schicken en wel bereyden. Een herte dat ghewasschen zy Heel suyver gheeft doch Heere my, Gantsch reyn nae Schrits verclaren Want sulcke doch alleyn wilt ghy Hebben t'uwen dienaren. Boven dit Heer my wijsheyt gheeft Dat van my mach worden beleeft, Dat uwen Gheest der maten Ghestadich sijn behaghen heeft, In al mijn doen en laten. En mach bedencken sonder mis Het gene dat verleden is, Dat nu is ordinieren, Dat comen sal versien ghewis En Christelijck bestieren. Tit.2,14.Recht neerstich maeckt my Heere slecht En mynen gheest vyerich oprecht, In uwen dienst midts desen Iere.48,10.Want vervloeckt is den traghen knecht, Mat.25,24En wordt van u mispresen.
Noch meer gheeft my o Heere goet Een lijdtsaem bestandich ghemoet Op dat ick mach volherden, En wijcken hier om suyr noch soet Dat my ontmoet op erden. En dat ick soo voor u mach staen Met reynder liefden aenghedaen, Vwen dienst te volbringhen Neemt my soo voor u dienstmaecht aen, Begaeft my sonderlinghen.Esai.64,17. Rijcklijck hebt ghy den grooten loon1.Cor.2,9. Boven bereyt in 'sHemels Throon, Die u dienen aendachtich Sullen hebben des levens croon4.Esd.2,43 Maeckt my des oock deelachtich. Tot u streckt mijn betrouwen wijt Dat ghy mijn Godt en helper zijt, Laet my o Heer recht smaken Dat ick daer in al mijn jolijt, Mach hebben, my vermaken. Soo ghy het werck in my begondt Volvoert het voort alsoo ghegrondt, En weest my Heer beradich Misluckt het my t'eeniger stondt Soo weest mijnder ghenadich.
Cookies on Poetry Cove