Op de wyse: van den 1. Psalm. Die niet en gaet, etc. Matth.6.CRachtighe Godt, o lieve Vader mijn, Wat souder doch onder den Hemel zijn,
Dat my mocht troosten in mijn swaer benouwen, Als ghy my niet vrientlijck en ginct aenschouwen,Matt.9,12 Als mijn hemelsche medecijn in noot, Ghy zijt goedich nochtans van machte groot. Laet neder slaen en maeckt weder ghesontIob,5,18. En ghy leyt onder, ja in der hellen grontTob.13,2. En wederom uyt deur u handt seer crachtich, Dit doet ghy Heer deur u voornemen machtich, Vwe castydinghe zy over my, V roede sal my leeren even vry. Alsoo ick dan nu ben, o lieve VaerGallat.41,6 In uwen handen naeckt en bloot te gaer Onder u roed' wil ick my willich voeghen, V castyden geern draghen nae vermoghen,Mat.11.20 Boeckt mynen rugghe onder u jock soet, En breeckt in my Heere den stouten moet. En maeckt uyt my (o lieve Heer) te recht,Rom.6,16. Eenen Godtvresenden verneerden knecht Nae u ghewoonheyt, en met uwen daden Alsoo ghy pleecht te doen seer wel beraden Op dat ick wandele nae uwen wilActo.14,23 In u wel behaghen my draghen stil. Soo lieve Heer beveel ick u met vlijt, My en alle mijn saken in dees tijdt, Op dat ghyse sout recht en beter maken 'Tis beter nu dan namaels straf te smaken, Ghy weet alle dinghen en zijt ghewis, Wat binnen in des menschen herte is.Iere.17,10. GHY weet wat hier naemaels gheschieden sal V en is niet verborghen over al,Hebr.4,13. Ten behoeft niet dat u yemant sou leeren Oft u wijsheyt in u doen sou vermeeren Oft dat men u sou doen eenich vermaen, Van den saken die op der aerden gaen. Soo wat goet is tot mynen besten deelLuce,10,42.
En my mach vorderlijck zijn int gheheel En hoe veel my hier droefheyt is van nooden Collos.3,5.Dat gheeft my nu om die zonde te dooden, Doet met my naer u welbehaghen jent Wat ick behoef is u 'tbeste bekent. Beter als my, Heer laet my weten doch Wat ick sal behoeven te weten noch En dat ick 'tgeen mach op het hooghste loven Dat u behaecht, en achten hooch daer boven Wat by u kostlijck is en u behaecht, V mishaghen verachten onversaecht. En laet my niet oordeelen hoe het gaet, Met uytwendighen ooghen hier een daet, Noch naer 'tghehoor der ongheschickter menschen, Maer (lieve Heer) gheeft my doch nae mijn wenschen, Te oordeelen met rechten onderscheyt, Alle dinck te rechten nae der waerheyt. Recht rechtende 'tghesien en t'onsichtbaer, Om dat wel t'onderscheyden reyn en claer, En boven al, soecken u welbehaghen, 1.Ioan.2,15Want menschen zinnen connen alle daghen Bedroghen zijn, 'sweerelts liefhebber blint, Wordt bedroghen int gheen dat hy bemint. Eccles.1,15.'Tis al ydel al wordt men hoogh gheacht, Wat is de mensch doch beter, 'tdient betracht Een schalck die can den anderen bedriegen, 'Tis ongerijmt datmen hier hoogh wil vliegen Somma des menschen achten en gelt niet, Wanneer het, Heer, van u niet en gheschiet. Soo groot is de mensche als ghy bequaem Hem achtet, en daer nae oock aenghenaem, O Heer wilt my u soo aenghenaem maken, Betrouwende beveel ick u mijn saken Weest ghy mijn berader tot alder stont Dat bid ick u al uyt mijns herten gront.
Cookies on Poetry Cove