Op de wyse: De nachtegael die sanck een Liedt dat leerde ick, etc. 1.Cor.1,2.MARIKEN, SVSANNA, IANNEKEN alle dry, Gods genaed en sijn goetheyt moet u blyven by 2.Petr.1,5.In u jeuchdelijck groeyen // en bloeyen,
Op dat ghy meucht met bloede bly, V totter deuchden spoeyen. Van jonckheyt op die vreese Gods meucht nemen aen,Deut.10,20. Ia die beminnen, en altijt daer in voortgaen, Daerom ghy zijt ghebooren // vercooren, Dat Gods schepsel in u voldaen,Eccles.17,1. Doch niet en gae verlooren. Soo ghy nu 'tleven hebt en was op metter tijdt,2.Reg.14,14. So sult ghy ooc sterven moeten des seker zijt,2.Cor.5,10. Voor toordeel openbaren // verclarenMatth.25. Die vroom leeft wordt ghebenedijdt, Maer 'tquaet comt int beswaren. Weet dat voorwaer dat daer is in des Hemels Throon,Mat.25,21 Eeuwighe vreuchde en blyschap tot eenen loonApoc.14,3. Daer salmen vrolijck singhen // en springhen, By Godt en sijn Enghelen schoon, Dit zijn heerlijcke dinghen. In dees blyschap en sal niemant worden verheucht Dan die haer nu alhier begheven totter deuchtEsai.33,15. En Gods gheboden houwen // met trouwen, Dus doet neersticheyt wat ghy meucht, Om daer Godt aen te schouwen.Esai.3,11. Niet en comen sy daer, die hier hoochmoedich zijn, Maer comen by den duyvel in der hellen pijn En die stout zijn gheresen // in desen, Wijst men van Godt op den termijn, In die helle verknesen. Die hier den ouderen niet en zijn gehoorsaem En die quaet spreken anders dan na haer betaem Die d'ydelheyt usieren // hantieren, Hier voor wacht, u en leeft bequaem, Leert die Ionckheyt bestieren2.Tim.2,10 En als ghy hebt verstant om hooren Godes Woordt
Siet dat ghy't neerstelijck en oock aendachtich hoort, Mat.13,23.Daer men oeffent u zinnen // van binnen, Datter vruchten van comen voort 2.Cor.6,18.Die de Heer doet beminnen. Rechte Gods lieve kinders sult ghy zijn bemint, En hy u lieve Vader daerom vroech begint, matt.25,34.Sijn erf sal hy u gheven // int leven V versorghen dit wel versint, Ghy wordt heerlijck verheven. Rom.1,21.En volcht die weerelt niet want sy is blint en dol, En is van allen gruwelen en boosheyt vol, Apoc.19,21.Vant helsche vuyr ontsteken // besweken, Apoc.18,4.Haer deel valt in des duyvels hol, Eph.3,20.Dus dient van haer gheweken. Nu Godt, die alle dinghen heeft in sijnder macht Die neem u in sijn hoede en hy gheef u cracht, En sijn wijsheyt met namen // te samen, Gheleyde u soo dacht en nacht, matt.25,46.Naer d'eeuwich leven, Amen.
Cookies on Poetry Cove