Nae de wyse: Het was sich een Margrietekijn. GEnaed' en vred' van onsen HeerRom.1,7. Wensch ick u lieve vrinden, Ghy al die doet nae Christus leer, En soeckt Gods Rijck te vinden.Mat.6,33.
Elck een die alsoo is ghesint 1.Pet.3,11.Die moet nae vrede haken, Hy soeckt tot hy Ioan.17,21.den vrede vint, Dat is al sijn vermaken. Liefde, vree en eenicheyt, 2.Ti.2,22.Behaeght Godt onsen Heere, Daer toe maec hem een elck bereyt, En haest hem daerin seere. 1.Cor.3,3.In twist, in kyven en in nijdt, 1.Pet.3,11.En staet niet Gods behaghen, Dus soeckt den vree tot aller tijt, Wilt neerstich daerna jagen. Seght haer, die niet vreedsaem en zijn, Comt leeft doch nu in vreden, Denct twisten is een quade schijn Onder de Christen leden. Esai.2,3.Comt laet ons op des Heeren bergh In vrede t'samen leven, Niemant den anderen meer en tergh, T'is langh genoech bedreven. Leet en rou daer over draeght Ghy te samen verbonden, En nae den vrede neerstich vraeght Tot ghy hem hebt ghevonden. Als het u dan sal zijn bekent Waer men hem mach beleven, Soo toont dat ghy oock vreedsaem bent Om u tot haer te gheven. En siet doch op gheen Menschen cloeck Die u willen beletten, Maer wilt u nae des Heeren boeck By den vreedsamen setten. 2.Tim.2,22Slecht ende recht in liefd' en vree Heeft Godt sijn volck beroopen, Ey lieve comt en gaet doch mee, Siet niet op groote hoopen. Ziel ende lijf dat hanght daer aen, 2.Cor.5,2Men moet voor Godt verschynen: 2.Pet.3,15.Die dan in vree onstraflijck staen, Worden bevrijdt van pynen. O lieve vrienden over al, Wilt dit ter herten vaten, Denckt hoe de Heere 2.Thess.1,7.comen sal, D'onvreedsamen verlaten.
1.Thess.4,17.En nemen de vreedsame aen, En voerens' in sijn Rijcke, Daer vred' is, die eeuwich sal staen, Dus elck van onvre wijcke. Neemt dit van my, uyt liefden eest Ghegheven u te samen, Die met eenen vreedsamen gheest Godt vreesen na't betamen.
Cookies on Poetry Cove