op de wyse: Hoort vrienden al te samen. Het scheyden valt ons suerlijck, Act. 20. 38.T'is liefde die het doet, Hierom zijn wy soo truyrlijck, Bedroeft in ons ghemoet. Act.18,20.En mocht het Godt behaghen Dat wy bleven by een, Den tijdt van onsen 1.Pet.1,22.daghen, In rechter liefden reen. Ephes.4,13.Elckanderen te stichten, Met ons liefs Heeren woort, Het soude ons verlichten, En gheven groot confoort. Act.20,38.Scheyden gaet ons bedroeven, 1.thes.4,17.Het doet ons lyden aen, Hoopten wy niet hier boeven, By een te comen saen. Eph.6,19.Keert doch al u ghedachten, Colos.4,1.Tot Godt in u ghebet,
Dat wy ons moghen wachten, En houden onbesmetApoc.14,3. En hy wil ons bewaren, Van 'tquaet door syne handt, Nae synen wilMat.6,13. vergaren, In het Hemelsche Landt.Apoc.21,1. Naer 'twellick wy verlanghen,2.Cor.5,2. Och waer vervult de tijt, Om de Croon te4.Es.2,47. ontfanghen, Van Christo met jolijt2.Ti.4,8. Haest sal de Heere comenmat.24,40. Dat weten wy voorwaer, Dan worden opghenomen2.Pet.3,10. Gods kinders allegaer.1.Thes.4,17. Ey lieve laet ons waken,mat.24,40. Vyerich tot aller stont: Op dat wy daer gheraken,matt.25,13. Verschynen heel ghesont.Gal.6,17. Iae laet ons 'tnieu aenveerden,Eph.4,18. En loopen niet meer blindt, En daer in trou volheerden, Elck als een lieve kindt. Sijn wy Gods uytvercoren, En draghen dennen naem, So laet ons naerIoan.15,16. 'tbehooren, Nu leven ghehoorsaem. 'Tis haest aen eyndt gheloopen, Ons tijt is seer na by, Wy moeten vastlijck1.Thes.5,8. hoopen, Dat Godt ons hulper zy. Een dinck laet ons versinnen, 'Twort ons geleert van Godt, ElckanderenIoan.14,34. beminnen, 'Tis het nieuwe ghebodt.Lev.19,18. Reyn liefde wilt oorbooren,Ioan.15,12 Draecht doch elckanders last: Als Christus1.Pet.4,8. deed' te vooren, 'Tis sijn leer, houdtse vast.Galat.6,4. Met danck laet ons hem prysen,1.Thes.5,17. Die ons dus heeft versaemt, En ons eerlijck2.Cor.4,2. bewysen, Als onsen roep betaemt.Ephes.4,1. Als wy nu moeten scheyden Van een, op dit termijn, Soo wil u Godt gheleyden, En u Behoeder zijn. Nu adieu allegader,
Act.20,32.Zijt bevolen ghelijck Godt onsen lieven Vader, In sijn ghenade Rijck. Seer lieffelijck in vrede, Ioan.14,17.Gheleyd' u synen Gheest, Tot ghy in s'Hemels Apoc.21,2.stede, Comt uyt dit wildt Foreest.
Cookies on Poetry Cove