Op de wyse: van den 137. Psalm. Als wy aen dat water te Babel clachtich. Ps. 104,24.ICk verwondere boven maten seere, Eccles.17,1.Als ick al u wercken aensie o Heere,
Hoe heerlijck ghy die hebt ghemaeckt te gaer,Gen.2,7. Maer boven al den mensche openbaer,Ephes.4,19. Naer uwen beelde gantsch heerlijck der matenRom.7,24. D'welck hy deur zond' verlooren, heeft verlaten.Eccles.17,6. Alsoo is de mensch ellendich ghebleven Verdorven, maer ghy had hem noch gegeven, D'welck hy behielt, het natuyrlijck verstant Dat ghy hem soo vastlijck hebt ingheplant, Waer deur dat hy te voorschijn weet te bringen Wt der aerden veel wonderlijcke dinghen. Coper, metael doet ghy te voorschijn comen Yser, en stael, en 't gout schoon uytghenomen Oock silver met menichte seer planteyt, Somma wat diep in d'aerd' verborghen leyt, Dit can hy al bedencken en deurgronden,Ierem.17.9. Soecken en graven tot hy't heeft ghevonden. Over die Zee can hy cloeckelijck varen,Eccl.43,24. Door veel tempeesten groote water baren En brenghen voort wat sy heeft in den gront, Ia connen leeren, begrypen terstont, Den loop der Sonnen, haer gangen en paden, En wat de Maen uytrecht met synen daden. By 'tfirmament weten sy (deur 'tbestellen) 'Tlandt af te rekenen connent vertellen Door 'sHemels teyckenen worden ontdeckt, Seer veel Eylanden, draghende perfeckt, Veel speceryen costelijcke waren, Dit can de mensch bevaren en vergaren. Toonden die menschen, doch uyt haren crachten D'eeuwich en 'tHemelsche soo te brachten,Col.3,21. Gelijc men taertsch nu soect, dwelc doch vergaet1.Pet.3,10. En als men sterven sal niet by en staet,Iob.29,17. Wat helpt het als die ziele wordt verslonnen,Marc.10,27. Datmen die gantsche weerelt heeft gewonnen. Och daerom laet ons onsen tijd behoedich, Naer den wille Gods nu deurbringen spoedichmatth.6,33.
1.Reg.3,9En soecken doch voor al sijn eeuwich rijck, En sijn gherechtigheyt t'samen ghelijck Neerstich, en opbooren in genen weghen, Tot dat wy't hebben vonden en vercreghen. Luce,12,19Maken soo in den Hemel sonder truyren matt.25,23.Eenen goeden schat die eeuwich mach duyren Psal.17,8.En bedencken d'eeuwighe langhe tijdt, 4.Esd.2,43Dat men met God eeuwich mocht zijn verblijt En nu onder sijn bescherminge mocht woonen Wesen bereyt als hy die sijn sal croonen. Ioan.3,31.Anders en sal daer niemant zijn vercooren, Matt.18,3.Dan die nu wort van boven nieu gheboren, Sap.5,4.En die hem omme keert als een cleyn kint, Vrienden dit dient voor allen wel versint, Wort dit verrokeloost in onse daghen, Dat sullen wy namaels deerlijck beclaghen. Matt.7,13.Soo laet ons nu neerstelijck met verlanghen matt.21,44.Op desen padt schicken al onse gangen, 2.Petr.3,10Vrienden want wy en weten uyr noch dach Apoc.16,15Want hy soo als een dief te comen plach, Comt onversiens, wee dan den onbereyden, Want hy moet dese comst droeflijck verbeyden. VAN DEN aertschen totten Hemelschen leven, Laet ons doch spoeden sonder teghenstreven, Matt.6,20En soecken voor d'aertsche 'tHemelsche goet, Daer met laet ons het meeste zijn bemoet, En bevelen den grooten Godt ons saken, Soo sal hy Vaderlijck over ons waken. Actor.1,8.DAELen laet op ons Heere d'aldermeeste Cracht ende gaef van uwen goeden gheeste, En gheeft ons een bereyt hert wijt ontdaen, Om dees ghewenschte gave te ontfaen, Gantsch onghehindert by ons te versamen, Laet dit deur Iesum Christum worden, Amen.
Cookies on Poetry Cove