Op de wyse: Te mey als alle vogelken singen, etc. MET wat danck sal ick u o Heer, Ephes.4,18.Loven en dancken altijdt meer Wt al Ephes.1,18.mynen vermogen, Doen ick verduystert sat gantsch seer, Verlichte ghy mijn ooghen. 2.Cor.4,6.'Tlicht in mijn hert ontsteken fijn, Gaeft ghy my deur den claren schijn, Die duysterheyt te vlyden, T'onderscheyden Het leven mijn, Die boosheyt te vermyden. Ps.119,105.Het leyde my ten rechten aen, Luchte my op die smalle baen, Daeghlijcks tot mynen voeten, Dit heeft u genade gedaen Soo wy bekennen moeten. Inwendich in mijns herten gront,
Maeck u ghenade my ghesont, Dat ick daerTitum.2,11 uyt mach sluyten, Alle gebreken t'aller stont, Door uwes Gheests virtuyten. En sy onderwijs my doch vry, 'Tghene nu te verwerpen zy, En 'tbeste te verkiesen, Och lieve Heer en laet doch my V ghenae niet verliesen. Nae desen my Heer oock versterckt,2.Tim.2,1. Door u ghenae die crachtich werckt, Vwen dienst te volbringhen, Maeckt my doch moedich datment merckt Tot deuchde sonderlinghen. VAN my en wijckse t'geender tijdt, Lief Heer nu op dees reyse wijt, Nae 't Hemelrijc gelegen, Maer geeft my doch sonder respijt Nu daer toe uwen zeghen. Nu ick ben op die Pelgervaert1.Petr.1,17. Gestelt, lief Heer my bewaert, Mijn leytsman uytghenomen Weest doch, op dat ick onbeswaert Mach in die vreuchde comen. Iae als ghy nu soo vroech en spae, Heer by my zijt deur u ghenae, Soo laet ick2.Cor.12,9. uw benoegen, Op den rechten wegh dien ick gae, Sal ick my wel verhoeghen. En my versadighen met lust, Met spijs ghy mynen honger blust, Wat my noodich sal wesen, Geeft ghy my Heere, als ick rust, Met hoop u doe aencleven. Maer als ick com in teghenspoet, Soo verkeert het bitter en soet, Door u ghenade goedich maeckt my doch Heere metter spoet, Hier in gherust en moedich.2.Cor.5,5. En sy brengh my deur dit ghedruys, Met vreden in u Hemels huys, Van al desen tempeesten Al woeden nu met groot confuys Hier seer veel boose Gheesten.
Ghy, o mijn God, weest mijn bystant, Biet my u genadige handt, Daer mede wilt my leyden, Met vreden in u Hemels Landt, Als ick van hier sal scheyden. En daer op gherust ende stil, Heere ick my verlaten wil, Dat u ghenade crachtich, My sal stercken sonder gheschil, En hier toe maken machtich. Nu segh ick lof eer en danck, Van herten na 'tbetamen, Laet dit, o God, na mijn verlanc Door Christum worden, Amen.
Cookies on Poetry Cove