Op de wyse: Christen kerck weest wel gemoet, ofte: van Munster, ofte: Van den Linden Smidt. INt hooren van Gods heyl'ghe Woordt Laet ons neerstich alsoo't behoort,Luce,11,28. Dat ghetroulijck bewaren Dat daer van vruchten comen voort,Matth.13. Hier namaels te vergaren. Ach Heer dat wy moghen daer deur1.Petr.1,23. Worden een nieuwe creatuyr, Van boven nieuw gheboorenIohan.3,3. Gantsch omghekeert als een kindt puyrMat.18,3. Nae u beeldt uytvercooren. Noch gheeft (lief Heere) metter spoet Dat wy daer deur worden ghevoet,Ephes.4,15. Opwassen en vermeeren Int wesen Christi wel ghemoet, Tot lof van uwer eeren. Laet dit als eenen spiegel bet Voor onse ooghen zijn gheset,Iacob.1,24 Dat wy sien ons' mismaken En ons suyveren, wasschen net Reyn voor u te ghenaken. Alsoo dat ons' zielen verwont Door u woordt (Heer) worden ghesont,Sap.16,12. Ghemaeckt ende verbonden En wy levende t'aller stondt, Voor u worden bevonden. Maeckt u woordt in ons crachtich meest Tot dat het scheyde ziel en Gheest,Hebr.4,12. Ons gheef Hemelsche zinnen Dat wy die Weerelt onbevreest,
Met cracht moghen verwinnen. Hebr.12,13.Met sijnder cracht ons maeck bereyt Neem wech alle lauwmoedicheyt, Vyerich tot goede wercken Ons make, en in den arbeyt, Becrachtighen, verstercken. matt.11.20.En dat wy soo ootmoedich fijn Verneert heel neder trachtich zijn, Gheneycht tot mede lyden Met eenen barmhertigen schijn, Int wel doen ons verblyden. Ephes.6.Recht wapen elcken als een heldt Nu wy tot campen zijn ghestelt, Met uwen woorde crachtich Soo moghen wy 'svyants ghewelt T'overwinnen zijn machtich. Tot dat wy comen in het Landt Bewaert ons Heer doet ons bystant, Op u willen wy bouwen Dat ghy ons deur u stercke handt, Vws woordts sult onderhouwen. Soo roepen wy u daerom aen Dat ghy u woordt, het soet vermaen Doch in ons' hert wilt schryven, En dat het dach en nacht voort aen By ons mach dadich blyven.
Cookies on Poetry Cove